Guwahati, July 8: A•songko Warachakgipa dolrang skanggipa changna “East Tech 2022” ine exhibition-ko Kolkata-o ong•atani da•asal tom•tome matchotangaha. Bon•kamgipa salo Lt. Gen K K Repswal, SM, VSM, COS, HQ Eastern Command, iandakgipa event-ko a•dok sorkari aro pilak bak ra•gipa agency-rangni bimchipbee ong•atanina mittelpilaniko dakaha.
A•songni dingtang dingtang warachakgipa dolrangoni ia exhibition-o bang•bee bak ra•aniko nikna gita man•aha. Ian Indigenous Defence technology-ni a•bao Indian Army-ni skanggipa changna gital bikotdapani ong•enga.
A•songni dingtang dingtang bakrangoni India a•songo tarigiparang jekai MSME, DRDO, DPSU uarangni gitalgipa silchidarerangko aro chasongni kri gadang tang•doanio pangchake tarigipa bosturangko mesokangaha.
Society of Indian Defence Manufactures (SIDM) aro Confederation of Indian Industries (CII) dolgnini changa sapani aro chu•sokatgimin kamrango pangchake ia exhibition-ko salgnina ong•atangaha.
East Tech 2022-o, bak ra•gipa sakantinan technology-ni a•bao u•i-ma•siani gadangrangko baridapatna dakchakanirangko on•angan baksa “State of The Art” technology aro Commercial off the shelf (COTS)-rangni Defence sector-o donggiminrangko jakkalna man•anirangkoba u•idapangna chol ong•angaha.
Iandakgipa event-rangko ong•atanichi India-ni warachakgipa dolrangna technology-ni a•bao chasongni kri namdapatna nangani gadangrangni bidingo ma•sidapatanirangko on•ani ong•angaha aro Eastern command-ni ning•o a•songo mikkangchi a•sel ong•anirangko warachakna gita ra•bianirangko “RakshaAtmanirbharta”-o pangchake Indian Defence Manufacturer-rangni technology-rang aro hardware-ni gita dakchakanirangko on•anirang apalbegipa ong•a ine talatdapani ong•angaha
