New Delhi, Jun 4: India a•songni manderang, Narendra Modi aro Amit Shah-chi sason ka•aniko nangnikja ine ia Lok Sabha election-o mesokaha ine Mongolbar salo, Lok Sabha election-ni result-rangko parakatani ja•man Congress dolni dilgipa aro MP Rahul Gandhi, Bharatiya Janata Party (BJP)-ko matnangataha.

Ia election-o Congress dol, BJP-ni kosakosan susaaha ong•ja ine janapatengon, a•songni pilak kamrangkon Amit Shah aro Narendra Modi rim•ketahani giminsa a•song gimikkon BJP-oniko jakgitel ong•atna gitasa susaaha ine Gandhi aganaha.

Ia Lok Sabha election-o BJP-chi dilenggipa National Democratic Alliance (NDA) dam 400 seat-rangko chegopna krengahaoba Congress dol baksa bakrimenggipa INDIA bloc, dam 227 seat-rangko cheenba champengna man•ahachim.

Na·simang ia video-koba nina man·gen: 

Na·simang iakoba poraina man·gen: M’laya a•dokko dingtangatna aro tangatpilna Shillong-ni gital MP ku•rachaka

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub