Shillong, Jan 27: Re•baenggipa February jani 27 tariko ong•atna sienggipa Meghalaya Legislative Assembly election-na pilak political dolrangan kamrangko ka•chichatoksoengahaon, a•songni Prime Minister aro Bharatiya Janata Party (BJP)-ni dilgipa Narendra Modi-ba BJP-ni candidate-rangna campaign-ko ka•na gita Meghalaya a•dokni Khasi, Jaintia aro Garo Hills jolrangona re•bana sienga.
Iani bidingo kobor ra•timgiparangna u•iatengon, da•o dipet Prime Minister-ni re•baani tarikko name tik ka•kujaenga ine Sukrobar salo, BJP Meghalaya-ni state president Ernest Mawrie parakataha.
A•songni Prime Minister, February-ni 10 ba 11-12 tarikrango a•dokni damgittam jolrangona re•banaba gnang ine janapatengon, uni re•baani somoio ia damgittam biaprangon jinma tom•bimonganirangko ong•atanggen ine Mawrie parakataha.
Meghalaya Assembly election-na BJP-ni sak 20 dilgiparang, a•dokona re•bae campaign-ko ka•anggen ine u•iatengon, ia sak 20 dilgiparangoni Amit Shah, Rajnath Singh, Smriti Irani, Nitin Gadkari aro dingtang dingtang a•dokni chief minister-rangba ong•gen ine BJP-ni state president parakataha.
