New Delhi, Aug 22: India a•songni Prime Minister Narendra Modi, Poland aro Ukraine a•songrangona re•angaha aro ua Budbar salo, Poland a•songona sokangaha. Poland a•songoni joljol ua, Ukraine a•songni skotong Kyiv songjinmaonaba re•anggen aro uano ua Ukraine a•songni President Volodymyr Zelenskyy-ko grongenba, so•sojengjeng ong•aniko namatna gita agangrikanggen.
Una skang PM Modi, Poland a•songo President Andrzej Sebastian Duda-ko gronggen aro Prime Minister Donald Tusk-koba gronge, a•song damgnini gisepo nangrimaniko bilakbatatna gita agangrikanggen.
PM Modi-ni Poland a•songona re•angani gamchataniko European Parliament-ni membor Dariusz Jonski talate on•angengon, ian a•song damgnini gisepo meli-nangrimani aro bading-chiwalgrikaniko bilakbatatna cholrang ong•enga ine parakataha.
PM Modi-ni Poland a•songona re•angahani gimin Poland a•songo aro mongsongbate Lodz songjinmao songdongenggipa India a•songni manderangba kusi ong•aniko parakattokaha aro 2022 bilsio Ukraine a•songo dinggrikanirang ong•engmiting somoio Poland a•song gita Ukraine a•songo songdongenggipa India a•songni manderangko rimongkatangna man•ahani gimin PM Modi-ko mittelpilangaha.
Poland a•songo ong•engmiting somoio PM Modi, Poland a•songni dilgiparangko aro Poland a•songo songdongenggipa India-ni manderangkoba gronggen.
Na·simang ia video-koba nina man·gen:
Na·simang iakoba poraina man·gen: Shillong Law College-o skanggipa National Moot Court Competition-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
