Tura, Jan 11: January-ni 15 tariko a•songni President Droupadi Murmu-ko rimchaksona gita Tura songjinmao tarisamsotokengaha.
Ian skanggipa changna uni Garo Hills-ona re•baani ong•engani gimin Tura songjinmao uko rimchaksona gita tarisamsoanirangko walang salang West Garo Hills District Administration nirokenga.
January-ni 15 tariko, a•songni President Droupadi Murmu, Tura-ona re•bae, bongagipa Meghalaya Games-ko Tura-ni PA Sangma Stadium-o a•bachengate on•anggen aro ia Meghalaya Games-ko a•bachengatanio jatni daka rikanirangko dakmesokna gita tarisamsotokengaha.
A•songni President-na chel•chakaniko on•na gita Tura songjinmani pilak ramarangon wa•arangchi kapenganirangkoba nikna man•engaha aro dingtang dingtang gittimrango rongtalatani aro nitoatanirangkoba nikna man•engaha.
A•songni President Droupadi Murmu-ni Tura-ona re•baanio, Tura-o gital rikgipa Raj Bhavan-o waltuangna siengani gimin ia Raj Bhavan-ko Sukrobar salo, Meghalaya a•dokni Governor Phagu Chauhan, nokdonggae on•angenga aro iano a•dokni Skotong Minister Conrad K Sangma-ba dongpae bak ra•anggen.
Meghalaya Games-ko January 15 tarikoni a•bachengatengon, gimik ming 22 kal•susaanirangko dam 11 donsogimin biaprango ong•atanggen indiba robol kal•susaanikode Bristibar salonin a•bachengatskaaha.
Iakoba poraie nina man·gen: Meghalaya Games 2024-ni U-18 me•asa dolni robol kal•susaani a•bachenga
Watch
