New Delhi, Apr 11: Bilsiantian India a•songo April 11 tariko, bi•sa an•pakgipa ma•gipani siani a•selrangni gimin u•iataniko on•a, National Safe Motherhood Day-ko manironga.
Ia salo, an•o dongmitingo aro bi•sa an•pakani somoio, me•chikrangni cha•grongenggipa kenbegni a•selrangni gimin gisik ra•atpiltaianiba ong•a.
Maternal Mortality Rate (MMR) ba bi•sa an•pakani somoio ma•giparangni sianiko komiatna, India a•song ja•kurangko de•enga aro ia National Safe Motherhood Day-ko a•bachengatanio, White Ribbon Alliance India (WRAI) mongsonggipa bakko ra•e kamko ka•enga. Ia salko manina, Kasturba Gandhi-ni atchiani salko baseaniara, me•chikrangni man•gimin bilrangko gisik ra•na ine ong•achim.
Ia salko manianichi, bi•sa an•pakani somoio ma•giparangni sianiko komiatani, an•o donggipa ma•gipana namgipa sanna bannaniko on•ani, dingtanganiko ra•bana dingtang dingtang dolrang nangrime kam ka•ani, ma•gipa ong•ani aro me•chikrangni man•gimin bilrangko maniani, mikkangchi ma•ani janggiko gimaatagri bi•sa an•pakanina ka•dongsoaniko aro u•iataniko giproroatani ong•achim.
Digital Technology-rang jekai, Telemedicine, mobile health application aro be•eno ganna man•gipa technology-rang, ning•tugipa biaprango dongenggipa manderangna sanna bananiko on•anio dakchakaniko on•enga.
Unbaksana, Remote Monitoring Technology jekai, TeleCTG aro ok ning•aniko niani ostro-rangko jakkalanichi, ma•gipani aro bi•sani an•sengbaljokaniko nie u•ianio dakchaka.
Artificial Intelligence (AI)-ko jakkalanichi, an•o donggipa ma•gipani an•sengbaljoke donganio aro dingtangmancha uamangna simsake on•anio dakchakaniko on•a man•a.
Una agreba, Non-Pneumatic Anti-Shock Garments (NASG), bi•sa atchiatani somoio bijoli gri Solar-ko jakkalani ostro-rang aro mobile ultrasound device-rangkoba jakkalna man•a.
Indake, Ketto ian mingsa platform ong•a jeon, an•o donggipa ma•giparangna dakchakaniko on•enga.
Na·simang ia video-koba nina man·gen:
Na·simang iakoba poraina man·gen: Denggu dakgipa manderang, Umsning-o NPP, MDC-ni nokko rong•te goa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
