Delhi, Nov 26: Constitution Day ba Samvidhan Divas, chong•motan India a•songo Constitution-ko ra•gatani bilsi 75 gapaniko, Parliament-ni gitcham building nokni Central Hall-o, Mongolbar salo maniaha. Ia manianio, a•songni President Droupadi Murmu, Parliament House-o jinmana aganprakangaha.
Ia tom•anio Vice President Jagdeep Dhankhar, Prime Minister Narendra Modi, Leader of Opposition Rahul Gandhi aro gipin a•gipi dilgiparang-ba dongpae bak ra•angaha.
Ia tom•anio, Constitution-ni gimin Sanskrit aro Maithili ku•sikchi segiminko pe•skae segipa ki•tapko oprake on•angan baksa, Preamble minganikoba President Murmu dakdilangaha.
Una agreba, gisik ra•na gita tarigimin coin ba tangka bisil aro stamp-ko sorkari jinmana oprake mesokangaha.
Indake, Constituent Assembly tom•aniko skanggipa changna 1946 bilsini December 9 tariko, gitcham Parliament House-ni Central Hall-ko dakangaha. Ia gitcham Parliament House-ni bimangko Sir Herbert Baker tariaha aro 1927 bilsini January 18 tariko Viceroy Lord Irwin-ni jakchi oprake on•aha.
India a•songo Constitution-ko 1949 bilsini November 26 tariko ra•gataha aro 1950 bilsini January 26 tariko chong•motan a•songni Republic Day ba an•tangtangni jakchi a•songko sason ka•na bil man•ani saloni dipet jakkalna a•bachengskaaha.
Na·simang ia video-koba nina man·gen:
Na·simang iakoba poraina man·gen: Adita manderangko so•ota ja•man, dos gnanggipa manderangko sandina a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
