Guwahati, April 11: Assam High School Leaving Certificateni resultko Sukrobar salo parakataha jeon Jorhat aro Guwahationi top rank ba chubate Pass ka·ani biaprangko man·angaha. Jorhatni Acedemy Senior Secondary School-oni Amishree Saikia 600 markoniko 591 (98.50) ko man·e chubatgipa gadangni skanggipako man·aha. Assam Jatiya Vidyalaya, Noonmati Guwahationi Saptarswa Bordoloi 590 (98.33%) gnigipa man·aha. Pragya Academy Senior Secondary School Jorhatoni Anirban Borgohain 589 (98.17%) gittamgipa gadango Pass ka·aha.
Porikkao chu·sokgipa sakantinan Assam a·dokni Education minister Manoj Pegu nama skaniko on·ataha indioba ia changni porikkao Pass ka·ani percentage komiaha ineba ua aganaha.
Chu·gimik Pass ka·ani percentage-ara 63.98% ong·a da·skariode 75.75% ong·achim, ia bilsi adita komiaha. Porikkana sak 4,29,449 register ka·ahaoba sak 4,22,737 san seaiaha.
Ia bilsioba porikkao name dakgiparangna Banikanta Kakoti Award (Scooty) CM’s Nijut Moina schemerangko chatro-chatrirangna on·angtaigen.
Ia porikkao nambate Pass ka·gipa districtrangara, Sivsagar- 85.55%
Dibrugarh- 81.10%
Dhemaji-80.64%
Jorhat-79.-1%
Kamrup (M)78.79%
Komibate Pass ka·gipa District rangara: Sribhumi-47.96%, Goalpara-51.31%, Cachar -52.58%, Dhubri-54.89%
Na·simang ia video-koba nina man·gen:
Na·simang iakoba poraina man·gen: Game cha·giparangni a·arango toni bolko ge·nasiani gimin Assamni game cha·giparang jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
