Guwahati, July 4: Assam a•doko chi ban re•ani a•sel dam 29 a•jarangni ning•o donggipa dam 2,800 songrangni lakh 16.25 mangni gita manderang nangchakeako man•a baksana sak 8 manderang janggitangko gimaataha. Budbar salona, chu•gimik siani sak 46 gapaha.
A•doko nangchakebatgipa a•jarangara, Assam bijangchini Nagaon aro Darrang a•jarang aro Barak Valley-ni Karimganj a•ja ong•a.
May jao chi ban re•gipana bate, June jani 16 tarikoni a•bachenggipa chi ban re•ani namjabatgipa ong•aha.
Union Minister Sarbananda Sonuwal, budbar salo Dibrugarh-ona re•angenba chi ban re•ani aro skate dongenggipa chirangni a•selo neng•nikanirangko man•enganiko re•ange nieaha.
Brahmaputra chibimani chirang ditdo ba•roroani a•sel, Guwahati-o songdongenggipa manderangna simsake dongchina gita mikrakataniko on•ataha.
Dhubri a•jaan, sak 2,23,210 manderang nangchakeako man•enba gipin a•jarangna bate nangchakeako man•batgipa ga•akaha, uni 2-gipao Darang a•ja ong•enga jeon sak 1,83,738 manderang nangchakeako man•aha aro Lakhimpur a•jao sak 1,66,063 manderang nangchakeako man•e 3-gipao ga•akskaaha.
Dam 105 revenue circle-rangni ning•o dam 2,800 songrang chi mriptokani a•sel iano nangchakeako man•gipa lakh 3.86 manderang da•o dam 515 relief camp-rang aro distribution center-rango ma•chake dongenga.
NDRF, SDRF, Indian Army aro gipin dolrang naljokatanirangko dakengkua, indake konta 24-ni gisepon chu•gimik sak 8,377 manderangko naljokatna gita man•aha.
Indake ong•engon, dondikpilgija mikkarang waani a•sel, ge•gni mongsonggipa chi ban kagipako man•galangani a•sel Manipur-ni Imphal-ni Saliram aro Salaram jolni bang•bea a•jarango bilongbee chi ban re•angaha.
Bang•bata biaprango chi ban re•ani a•sel, a•dok sorkari-ni gita pilak sorkarini office-rangna budbar salo chuti ine parakataha, indake skulrangkode bristibar salona chipatgen.
Dondikgija mikkarang waani, chi ban re•ani aro a•a ruani somoio dakchakaniko on•a gita, police dolrangna nangan bosturangko on•e am•sandianio dakchakaniko on•a gita, a•dok sorkarini gita naljokatani kamrangko nengrae ka•na man•a gita konta 24-na dakchakaniko on•a gita control room-ko donataha.
Na·simang ia video-koba nina man·gen:
Na·simang iakoba poraina man·gen: International Week ong•miting somoio IIM Shillong-ni student-rang Meghalaya-ni Cultural Tapestry-o bakrimpaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
