Guwahati, July 2: Mizoram a•dokni Kolashib aro Assam-ni Hailakandi a•jao dolgnini sipairangan, a•doktangtango napdraenga ine matnanggrikenba, adita nanggrikangaha.
Koborko on•ani gitade, Mizoram a•dokni Kolashib sima jolo donggipa Assam Hailakandi a•jani Cholaikhal jolrango Mizoram a•dokni manderang napdrana jotton ka•enga matnangenba, Assam-ni police-rang, ua biapo rikgipa nokrangko pe•e galeahachim. Indake ong•engon, ia biapara Mizoram a•dokni simako nirokna dongipa Mizoram police camp-sa ong•a aro ian Mizoram a•dok ning•osa ga•aka ine Mizoram police-rangba a•kangskae ja•mano ia biapo dolgni sipairangni adita nanggrikangaha.
Ru•uta somoirangonin ia jolrango a•dok damgnini meligrikgijaniko nikna man•engachim aro uandake gisepgrikode da•o gita so•sojengjeng ong•anikoba nikna man•rongengachim.
Ia biapo Mizoram police-rangni rikgipa a•tiprangko Assam police-rang pe•e galeahani gimin Mizoram-ni police-rang Assam police-rangko matnangaha aro apsan daken Assam police-rangba, Assam-ni buringo Mizoram napdrae nokrangko
