Arunachal Pradesh, Feb 8: Batanggimin sal somoirango, Assam aro Arunachal Pradesh-ni sima ari jolrango meligrikgijanirang ong•genchimoba, a•dok damgnini sorkarirangan tom•tomani aro saksa sakgipinna ka•sagrikaniko ra•dona gita kamrangko da•o ka•enga.

Ia meli nangrimgrikaniko mangrakbatatna gita, Arunachal Pradesh, Tirap a•jani Namsang-o Namghar ba bi•chakani nokdring aro Heritage Centre-ko, Assam a•dokni Skotong Minister Dr. Himanta Biswa Sarma, MLA Taranga Gogoi aro Arunachal Pradesh Forest Minister Wanki Lowang maang ia project-ko niksamsoe rikenga.

Dr. Sarma, ia project-na tangka gong kror 5-ko on•atna gita namnike ra•chakangaha aro skanggipa kror 2-kode watatman•aha. Indake ong•engon, Arunachal Pradesh-ni sorkari ia project-na a•a bigha 3 baksana rama jal•angrangko tarie on•angskaaha.

MLA Taranga Gogoi, Dibrugarh-ni District Commissioner Bikram Kairi, Minister Wanki Lowang aro Zila Parishad-ni member Wanphoon Lowang ia project-rangko nirokaniko dakenga.

Deomali jolo donggipa ge 80 Assamese nokdangrang ia ja•ku de•anina kusi ong•aniko parakatan baksana ia project-ko chu•sokatna dakchakanina Himanta Biswa Sarma-koba mitelangaha.

Tirap a•jao skangode dam 60 Namghar-rang dongachim, jeoni dam 7 Namghar-rangsan da•o dongaiaha. Assamese jatrangni dakbewal rikbewalrangko jolo ripinge rakkiangna miksonganio ia project-ko ra•baaha.

Na·simang ia video-koba nina man·gen:

Na·simang iakoba poraina man·gen: Arunachal Christian Forum anti-conversion law-ni kosako jegalaniko dakanggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub