Guwahati, Dec 13: Assam a·dokni Bodo jat bang·batgipa biapna nangchongmotgipa Bodoland territorial council (BTC)na pu·onaniko dakangani result-rangko mijal parakatanio darang dolonikoba ia eleksino biltangtangchi cheaniko nikna man·jaha, jechin BJP-sa ia susaanio man·batgipa gita ong·skaaha.
A New dawn in BTR pic.twitter.com/OrsKgTYgIs
— Himanta Biswa Sarma (@himantabiswa) December 13, 2020
Jadokrangni gita somairang dongkuenggipa Assam-o mongsonggipa pu·onaniko mikkang bilsi 2021-o ong·atnakenggipana ia Bodoland eleksinko ong·atanian semi final-rang gita chacha ong·skaienga. Chu·gimik bilsi 15-rangna kingking Bodo-rangni a·jao bil aro sasono ong·bagipa aro mongsong bakrimpagipa Bodoland Peoples Front (BPF) dol baksa ong·gija ianpako BJP dolba an·tangari biltangchi ia eleksino susaangaha, indake gimik dam 40 seat-rangoniko BPF dol dam 17 seat-rango cheeming niksengbatgipa dolsangipa ong·aha, indiba iano chu·gimik bilsokgipa ong·na gita nangchongmotgipa dam 21 seat-rangonade sokdoskajaha. BJP dol, 2015 bilsio mangmang damsa seat-osan cheangoba ia changni eleksinode dam 9 seat-rango chena man·skaaha, indiba rasong gribee Congress aro AIUDF bakrime ia eleksino susaangoba mangmang dam 1 seat-osan cherikna man·aiaha.
NDA is committed to serving the people of the Northeast.
I congratulate our ally UPPL and @BJP4Assam for securing a majority in the Assam BTC election, and wish them the very best in fulfilling people’s aspirations.
I thank the people for placing their faith in the NDA.
— Narendra Modi (@narendramodi) December 13, 2020
Nangchongmotgipa Bodoland Territorial Council (BTC) eleksinko ong·atangani result-rangko mija anti Sonibar salo parakatgipao darang doloniba biltangtangchi cheeming niksengbatgipa ong·na man·tokjaha. Mikkang bilsio mongsongbatgipa Assam legislative eleksinrang ong·na mikkango ia eleksinkon “semi-final” gita chacha nikatna man·enga, jeon BJP-ko ia eleksino gimik dam 9 seat-rango cheanichi batanggimin 2015 bilsioniko nisusaate ianpako uamangni adita nambate dakaniko nikna man·skaaha.
BTC-o gimik-gimang sak 46 memborrang gnang, jeoni sak 40-kode dingtangmancha seoka aro gipin sakdokrangko baseskaa. Council-na pu·onanirangko mija December 7 aro 10 tarikrango gadanggni dake ong·atangaha. Ia bilsi a·bachengo Bodo Peace Accord-na soi ka·grikangaoni a·jao iandakgipa eleksinko skanggipa changna ong·atchengaha.
NDA secured a comfortable majority in Assam BTC election.
Congratulations to our ally UPPL, CM @sarbanandsonwal, @himantabiswa, @RanjeetkrDass and @BJP4Assam unit.
I thank people of Assam for their continued faith in PM @narendramodi’s resolve towards a developed North East.
— Amit Shah (@AmitShah) December 13, 2020
Bodoland People’s Front (BPF), jean BTC-ko chu·gimik bilsi 17-rang ong·na am·pile sason ka·angahachim, a·jao council-ko jakgitele sason ka·angna man·na gita nanggipaona sokdona man·skajaha, jemangan batanggimin 2015 bilsina ge·gittam komie ianpakode dam 17 seat-rangosan cherikaiaha. Indake ong·oba, bobil dolni dilgipa ong·aoni saksa politician pil·gipani dolan ia eleksino an·tangarichin bang·bate chenade cholko man·kuaiaha.
Congress aro Badruddin Ajmal-chi re·dilenggipa All India United Democratic Front (AIUDF)ni bakrime ianpakni eleksino warachakgipa ong·e susaangoba uni nama biterangko nikna man·jaha. Indake, ma·mongni party ge·sa mangmang seat-kosan cheaiaha, indiba joltangonide damsaomangba cheriksrangjaha.
Eleksino susarimgiparangoni dolgipin, United People’s Party Liberal (UPPL) gimik dam 12 seat-rango cherikeming dilgiparangko bilona ra·baanio niksenggipa ong·angskaaha. Ia dolkora, a·jao tom·tomaniko ra·bana gita ma·mong sorkari aro bobil dolrangni gisepo ia bilsi segrik-jotgrike on·achi Bodo Peace Accord-na soi ka·grikangpae mongsonggipa ong·e bakko ra·gipa chatro dolni dilgipa ong·aoni saksa politician pil·gipa Pramod Boro-chi re·dilskaienga.
