Guwahati, April 13: Assam Cabinet, Bharat Ratna man·gipa aro India-o doka damani, ki·tap seani aro cinema-o namen mingsingbegipa aro manderangni namnike ra·chakgipa Dr. Bhupen Hazarika-ni chang 100-gipa atchiani salko ga·subee bilsi gimik manina tik ka·angaha. Uni janggi tangani aro kamrangko mande ra·ani gita ,uni atchiani salko 2025 bilsini September 8 tarikoni a·bachengate, 2026 bilsini September 8 tariko matchotatgen.
Assam-ni Skotong Minister Himanta Biswa Sarma-ni dilanio, sak 50 member committte-ko a·bachengataha, jeon dingtang dingtang kamni a·bao mingsingbegipa manderangba dongpaa. Salgro Salaram jolo ku·mong nangrimaniko mesokna gita, dam 7 a·dokni Skotong Minister-rangkoba iano bak ra·epachina okamatgen.
India a·songo Dr. Hazarika-ni mingsing minggamani aro Salgro Salaram jolrangna aro Assam a·dokna uni ka·saaniko mesokna inenba uni atchiani salko songjinmarang jekai, Guwahati, Delhi, Mumbai, Kolkata aro Arunachal Pradesh-ni biaprango manianiko dakanggen.
Mingsinggipa institution-ko Dr. Bhupen Hazarika-ni bimungo mingjitatgen jekon jamano jinmanaba parakataniko dakanggen. Uni janggi tangani bidingo ki·tap kingsako seenba India aro gipin a·songni dingtang dingtang ku·sikrangona pe·e seanirangkoba dakanggen. Sorkari, uni janggi tanganio pangchake jawilwat ge·sakoba tarigen aro ma·mong sorkario uko mande ra·ani bak gita dingtangmancha tangka bisil-ko nakatatchinaba didiatgen.
2025 bilsio ia manianiko a·bachengatani salo India-ni Prime Minister-ko okamatgen aro 2026 bilsio ia maniani bon·kamgipa salo India-ni President-ko okamatskagen.
Na·simang ia video-koba nina man·gen:
Na·simang iakoba poraina man·gen: So·sojengjeng ong·enggipa Manipur a·doko Palm Sunday-ko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
