Guwahati, Jan 16: Umrongso-o a•sel ong•anio, koela cho•giparangoni sak 4 janggitangko gimaatan baksana gimaenggipa sak 5 manderangna, Assam Cabinet nangchakea man•gipa nokdangni manderangna dakchakaniko on•a, ong•a obostani bidingo amsandianiko dakna aro mikkangchi iandakgipa obostarangko chagrongjana gita ja•ku de•aniko parakataha.
A•dok sorkari, janggitangko gimaatna nanggipa sak 4 koela cho•giparangni nokdangrangna lakh 10 tangkarangko aro da•o gimaenggipa sak 5 koela cho•giparangnaba, tangako ba siako man•genchim ong•oba uamangni nokdangni manderangna lakh 10 prakko on•anggen.
Cabinet, ia obostani bidingo am•sandianiko dakna gita Guwahati High Court-ni gitcham jugde Justice Anima Hazarika-ni dilanio judicial inquiry-ko songe on•angaha. Ia songe on•gimin commission, maini a•sel ia obosta ong•aha aro iano jak donggipa manderang, officer-rang aro organisation-rangni kosako mai dakgipa ja•ku de•aniko dakna gita nanggen ku•pattianikoba on•anggen.
Ia ong•a obosta, niamgri koela cho•ani namgijani aro mandeni janggina aro samtangtango donggipa ong•telaigiparangna namgijaniko ra•baaniko mesoka. Iako champengatna gita sorkari, niamgri koela cho•aniko bon•atsrangna gita SOP ba rakgipa niamrangko ra•gatanggen.
Segatgimin FIR-o pangchake, iani bidingo am•sandianiko dakna gita Special Investigation Team (SIT)-koba songe on•aha. Ia SIT, kamoni neng•takgimin Justice Anima Hazarik-ni nirokanio mikkang nitea gri kakket bichalko on•a gita kamrangko ka•anggen.
Mikkangchi iandakgipa obostarangko champengsona gita, Mines and Minerals Department, niamgri koela cho•giparangko am•sandie chipatna gita central-ni agency-rang baksa apsan kamrangko ka•anggen.
Na·simang ia video-koba nina man·gen:
Na·simang iakoba poraina man·gen: M’laya Games-o bak ra•na re•angenggipa EGH-ni kal•susagiparangna program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
