Guwahati, Dec 30: Assam Forest Department, buring bolgrimrangko tange rakkigipa dol Aranyak baksa apsan bakrimenba, mande aro matburingni gisepo nanggrikaniko komiatna gita community program ge•sako a•bachengataha. Uamang mi misirangko chel•chakna aro mande dongram biaprangona matburingrang napbaoba uamangko saknaatgija a•rikgalna man•a gita ua jolo donggipa songni manderang aro game ge•e cha•giparangko rimchimongenba dol 13 Anti-Depredation Squad-rangko donataha. Mande aro matburingrangko naljokatna miksonganio ia ja•ku de•aniko a•bachengataha.
Pobitora Wildlife Sanctuary-ni Range Officer, Pranjal Baruah-ni aganani gitade, ia songni manderangan neng•nikanirangko salanti chagrongna nangani gimin songo noko donggipa manderangni bakrimpaani nangchongmotgipa ong•a.
Squad dolni member-rang training ra•ani somoio self-defense ba an•tangko namgijaoniko chel•chakna, matburingrang jekai gondu ba buringni wak-rangoni maikai naljoke dongna gita man•a baksana, matburingrangni daka bewal-ko ma•sie maikai uarangko buringona watatpilna gita man•genchim uarangni gimin skie ra•anirangko dakanggen.
Assam a•doko songdonggipa manderang pangnan mande aro matburingrang, mongsongbate mongmarang baksa nanggrikanirangko chagrongna nangronga aro ia nanggrikanichi sak 70 manderang aro mang 80 mongmarang bilsiantin siaona sokronga. Buring bolgrimrang chong•motan matburingrangni dongram biaprang mandeni jakchi nosto ong•atako man•ani a•selan ia nanggrikanirang ong•na a•bachengaha.
Ia gitalgipa Anti-Depredation Squad-rang, nanggrikanirangko komiatna, jolo donggipa manderangna dakchakaniko on•a aro Assam-ni buring bolgrimrang baksana janggi gnanggipa matburingrangna chel•chakaniko on•a miksongenga.
Na·simang ia video-koba nina man·gen:
Na·simang iakoba poraina man·gen: U Kiang Nangbah-ni chang 162-gipa siani salko gisik ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
