Shillong, Jan 4: All Assam Garo NGO-rang, Rabha Hasong Council-ko Sixth Schedule ning•o ra•gatchina chakpaaniko on•anina Assam State Zone-ni Garo Students Union-ko changalengaha ine Sonibar salo parakataha.
Ia Forum-ni janapatani gitade, GSU(ASZ)-ni A•chikrangko cha•bokahanina Assam a•doko donggipa pilak NGO-rangan uamangko changalgrimna tik ka•aha aro uamangko indake dakanian A•chik ong•e an•tangtangni kattao kim•kim ong•e mangrake ga•chatenganiko parakengani ong•a.
Ia Forum-o, Garo Students Federation of Assam (GSFA), Garo Autonomous Council Demand Committee (GACDC), Garo National Council (GNC) Assam State Zone aro gipin dolrangba bakrimenga aro je A•chikrangan Rabha Hasong Autonomous Council-ni ning•o dongengachim, uamang Garo Autonomous Council-ko Assam-o songchina dakgrikbaengaha. Indake ia ja•kuko de•enganiara, ru•uta somoirangna dabibaenganio chu•sokgipa ong•na aro RHAC-ko Sixth Schedule-o chapatna skang, RHAC-ni ning•o ga•akenggipa A•chik songrangko ma•ekatchina miksonganian ong•a.
A•chik jatrang cha•bokaniko man•aha ine janapatengon, GSU (ASZ), maming chanchisamsoa grigipa aro jatni gisepo kajia golmalko ra•bagni ja•kuko de•aha aro ian usmangni Rabha Hasong Sixth Schedule Demand Committee (RHSSDC) baksa nengrae bakrimanganiko mesokani ong•enga.
Indake ong•engani gisepoba, uamang Garo Students Union, Central Executive Committee (CEC), GSU Nagaland aro GSU BTC (Assam) dolrangni kosakode changaljaenga, indiba GSU (ASZ) dolni kosakosa Assam-o donggipa pilak A•chikrangan jegalenga ineba ia Forum talataha.
Una agreba, uamangni dabianiko aro ku•rang on•aniko knachakchina aro uamangni man•gni bilrangna kakket bichalko ka•e on•china dabianio chu•sokgipa ong•na gita ku•cholsan rakbate dabiangna ine pilak A•chikrangko aro dingtang dingtang dolrangko uamang didiangaha.
Na·simang ia video-koba nina man·gen:
Na·simang iakoba poraina man·gen: Press Club of India, Chhattisgarh-o so•ota man•gipa journalist-na kakket bichalko ka•e on•china dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
