Guwahati, December 13 : Kamrup Metropolitan a•jani, Boragaon buring sepango donggipa Garchuk-ni Nizarapur jolo me•chik saksako jinma drae til•ekani jawilwat giproroani bidingo authority-rangna badi ka•a jaman jinma drae til•ekanio mongsonggipa jak donggipako man•chape sak 8 chadamberangko rim•aha. Dharmendra Kalita-ni social media-o giproroenggipa jawilwatko Garchuk Police Station-ni Officer-Incharge, Mayurjit Gogoi-na pakwatata jaman ia ong•a obostani gimin u•ina gita man•aha. Kobor man•a bakan, Inspector Gogoi aro Sub-Inspector Kajal Dutta, Garchuk aro Jalukbari jolniko am•sandianiko dakani jaman sak 8 manderangko rim•aha. Rim•a man•gipa manderangara, Boragaon, Gakhirchowk-ni bilsi 23 ong•gipa Kuldeep Nath, Boragaon, Shiv Nagar Path-ni bilsi 22 ong•gipa Bijoy Rabha, Boragaon, Nizarapar-ni bilsi 18 ong•gipa Pinku Das, bilsi 21 ong•gipa Gagan Das, Pachim Boragaon, Nizarapar-ni bilsi 19 ong•gipa Mrinal Rabha, Boragaon, Bakul Nagar-ni bilsi 20 ong•gipa Saurav Boro, Tetelia, Padumbari (Jalukbari)-ni bilsi 21 ong•gipa Dipankar Mukhiya baksana, til•ekanio mongsonggipa jak donggipa Rabin Das, ong•a.
Deputy Commissioner of Police (West), Padmanabh Baruah, re•anggipa jao Nizarapar-ni buring jolo ia obosta ong•aha ine aganengon, sak 7 manderangko uamang rim•aha ine parakatan baksana iani bidingo case-ko segataniko dakenba kate dongenggipako rim•na am•sandianiko dakenga ineba u•iatangaha.
Na·simang ia video-koba nina man·gen:
Na·simang iakoba poraina man·gen: AMCCF, Bangladesh-o gipin toromko olakkigipa jatrangni kosako kragija ka•enganiko jegale jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
