Dibrugarh, July 17 : Mongolbar salo, taritaigimin Pathology Heritage Museum-ko Dibrugarh-ni Assam Medical College (AMC)-o, AMC-ni Vice Principal Prof Reema Nath nokdonggae on•angaha.
Assam Medical College-o poraianggipa 1964 batch-ni, ia museum-ko taritaina gita lakh 3,65,650 tangkarangko on•gilaniko dakangaha. Dr. Nath-ni on•gilanichi dingtang dingtang manderangna miksongatangko be•en pilatna gita dakchakani ong•aha.
Pathology Department-ni Head aro Professor, Dr. Aditya Sharma, ia museum bang•a chatro chatrirangna namgniko ra•bagnok maina iano 1991 bilsioni chimongba•enggipa ming 1500 specimens ba rokom ba ma•malko u•iatani bimangrangko dongnok ine parakataha.
Ia museum-ara College-ni ge•sa namen gamchatbegipa bak ong•a, maina Heritage Conservation Society of Assam (HECSA)-ni gita ia museum-ko Heritage centre ine parakataha.
Ia Assam Medical College, jekon a•bachengo Berry White Medical School ineba u•itokachim, ia school-ko 1947 bilsini November 3 tariko a•bachengataha. Pathology Department-ko 1948 bilsio a•bachengatenba, Briatish-rangni sason ka•miting somoio gure kat•susa•atna jakkalgipa biapona chongmotan gital campus-ona 1949 bilsio apjitatskaaha.
Pathology Department-ni skanggipa Skotong ong•anggipara, Professor AE Sunderason ong•achim, uni jamano Dr. Nittya Gupta ong•angskaa, jean mingsinggipa pathologist-rang jekai Dr. NC Dey, Dr. BD Baruah, Dr. NG Banerjee, Dr. L Kakoty aro Dr. Pin Taneja, iamang baksa apsan kam ka•enba, post mortem block, museum aro administrative block-rangko a•bachengate on•angaha.
Calcutta Medical College-ni namen mingsingako man•gipa pathologist, Dr. Nepal Chandra Dey, 1951 bilsio ia college-ona re•bachengaha aro 1952 bilsio department-ni Skotong ong•eaha. Dr. Dey jean uni bang•a changa sapanina mingsingako man•gipa ong•achim, ua pathology, bacterialogy, medical parasitological, mycology aro tropical skin diseases ba bigilni sabisirangni gimin ki•taprangkoba seaha, jekon India aro gipin a•songni chatro chatrirangba jakkalenga.
Uni Pathology museum-ko namdapatna on•kange kam ka•anirangara namen gisik ra•na krabegipa ong•a. Ua gisiko nang•bee specimen-rangko tarie sulsul dona man•a gita bang•a changon salgimik museum-on segatna nanganirangko dakenba ma•ekatna nanganirangko dakenba salrangko re•atrongachim.
Na·simang ia video-koba nina man·gen:
Na·simang iakoba poraina man·gen: Dibrugarh-o rel gari a•sel ong•gnioni rasonggnange joka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
