Boko, May 22 : Assam-Meghalaya sima ari jolo, Boko Public Health and Engineering Department (PHED) Sub-division-ni ning•o ga•akgipa biaprango, ma•mongni ringani china on•gimin project Jal Jeevan Mission (JJM), jekon nok te 100 mangni gita nokrangona sokatna miksonge a•bachengatahachim iani bidingo bang•en sing•doanirang nakataha.
Nokantiona namgipa ringani chirangko sokatna gita miksonge a•bachengatgipa JJM mission-ni chu•sokgijani gimin, Boko-ni Hahim jolo donggipa manderang, PHE department-ni contractor aro engineer-rangni kosako matnange aganangaha.
Battanggimin water supply scheme-rangko adita lakh tangka paisarangchi tariahaoba, department-ni namrenge ra•ani a•sel china neng•nikanirangko olgrokatna gita man•jahanina manderang ding•chaotokaha.
Boko jolo da•o ka•enggipa JJM project-ni bidingo, songni manderang contractor-rangni ka•enggipa kam namgijani gimin suk ong•gijaniko parakenba, kam namgija ka•arangkoba engineer-rang nikja dake dongaia ine matnange aganangaha. Contractor-rang kamrangko ka•gilokenba, nokantiona chi siltongrangko tap baksa pangchakani krong gnang rike on•gija, songosa jinma jakkalchina gita chi siltongrangko teke on•skaenga, ineba uamang matnange aganangaha.
Ata dozen mangni gita siltongrangko Hahim police outpost mikkango aro ian apsandake Hahim-ni state veterinary dispensary-ni mikkangkoba tarie on•angaha, jean JJM-ni on•gimin niamrangni kosako re•badeaniba ong•enga, maina ian ringani chirangko nok ge•antiona sokatna nanggipasa ong•achim.
Re•anggipa May jani 19 tarikoni May jani 21 tarikona chongmotan sak 3 na PHED-ni assistant engineer-rang tom•aniko Sonitpur-o ong•atangaha, jeon Assam Zone, Barak Valley Zone, BTA Dake aro DHAC dolrangba apsan re•baenba Jal Jeevan Mission (JJM)-ko a•bachengatna gita ia tom•anio bakko ra•na re•baaha.
JJM Assam mission-ni director aro Kamrup a•jani gitcham DC Kailash Karthik N, assistant engineer-rangni daito-rangko aganangaha, iani gisepon Sonitpur-ni DC Deba Kumar Mishra, a•jao JJM-ni kamrangko ka•ani bidingo aganangskaaha. Indake ong•engon, Kamrup (Metro)-ni DC Sumit Sattawan department gimik apsan ku•monge kam ka•ani gimin aganangaha, aro Assam sorkarini Special Chief Secretary Stedain Abbasi , scheme-rangko name nirok simsakani gamchatani gimin aganangskaaha.
Hahim jolo ia scheme-ko ka•ani kamrang namgijani gimin so•so jengjeng ong•engon, ua jolni dilgiparang PHE department-ni sub-divisional officer Mukut Barman-ko changni chang grongna gita jotton ka•beahaoba, maming aganchakaniko man•jaha.
Indake ong•engon, Hahim jol ja•minchakgipa biap ong•ani gimin aro jolo donggipa manderangni poraia skia gri ong•tokani gimin, sorkarini manderang aro contractor-rang an•tangtangni man•gninasa ka•enga ineba mittam u•igipa manderang matnange aganangaha. Jeni a•selan ia dal•begipa water supply scheme pangnan chu•sokaniko man•rongja baksana, ia jolo songdongenggipa manderang ringani chi gri ong•e neng•nikanirangko chagrongna nangronga.
Na·simang ia video-koba nina man·gen:
Na·simang iakoba poraina man·gen: Arunachal-o Indian Army-ni sipairang ‘Sati Baba Day’-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
