Guwahati, March 29: Assam police aro forest department apsan nangrime sandirikitani kamrangko ka•enba, mang 52 Indonesian do•o baksana rokkomsa gisim bato ba black lory, gitchak aro tangsim rong bato ba red & blue lory, Babirusa Swine ba Indonesia-ni wak rokkomsa aro hornbill ba ing•gek do•orangko, sukrobar salo Mizoram sima ari sambajolo donggipa biaponiko naljokatna man•aha.
Kobor ra•timgiparangna aganengon, Hailakandi-ni Additional Superintendent of Police (ASP) Shamirdapar Baruah, Sukbrobar salo chinga rescue operation-ko dakataha aro sakgni palbadinganio bak donggipa manderangko rim•aha ine u•iataha.
Mang 42 naljokatgimin matburingoni mittamrangara, gitchak aro tangsim rongni bato, mang 6 gisim batorang, mang 2 ing•gek aro mangsa Indonesia-ni wak rokkomsa ong•achim.
Dos dakgipa mande sakgnini kosako First Information Report (FIR)-ko se•gataniko daka jaman uamangko sandirikataniko dakangkugen ine Baruah aganangaha. Police dolni u•iatani gitade, rim•ako man•giparangoni saksako Moinuddin Ali aro saksako Samsul Haque ine ming•achim aro uamang sakgnian Assam Hojai minggipa biaponi ong•a.
Na·simang iakoba poraina man·gen: India-ni salgro salaram jolo mikka jime wagniko ku·watsamsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
