Shillong, Aug 21: Assam aro Meghalaya a·dokni simarango meligrikna man·jaenggipa bangki damdok biaprangko namatna gita a·dok damgnini chief minister-rang, Robibar sal dipet agangrikaniko a·bachengataha.
The 2nd phase of Border Talks between Assam & Meghalaya has commenced to resolve the remaining 6 areas of differences- Khanduli & Psiar, Block 1 & Block 2, Borduar, Langpih, Nongwah- Mawtamur & Desh Doomreah.@narendramodi @AmitShah @himantabiswa pic.twitter.com/y2TW9gi2dU
— Conrad Sangma (@SangmaConrad) August 21, 2022
Assam aro Meghalaya a·dokni simarango meligrikna man·jaenggipa bangki damdok biaprangara, Psyiah, Khanduli, Block 1, Block 2, Borduar, Mawtawar aro Langpih jolrang ong·engachim aro ia jolrango a·dok damgnini meligrikgijanirangko namatna gita Robibar salo, Assam a·dokni Chief Minister Himanta Biswa Sarma aro Meghalaya a·dokni Chief Minister Conrad K Sangma, gronge agangrikangaha.
Ia tom·anio a·dok damgnini chief minister-rang chanchirimangengon, sal 15-ni gisepon a·dok damgnini sorkarirang, regional committee-rangko songe a·doktangtangni cabinet minister-rangko ia regional committee-rangni chairman songna tik ka·e donangaha. Karbi Anglong District Council-ni membor-rangkoba ia regional committee-rango bak ong·atna gita tik ka·e donangaha.
Meghalaya a·dokni Chief Minister Conrad K Sangma-ni parakatani gitade, a·dok damgnio regional committee-rangko songmanahaon, ia songrangona re·ange songni manderang baksa agangrikanirangko a·bachengatgen aro manderangna ka·dongataniko on·na gita a·dok damgnini chief minister-rangba ia biaprangko re·ange niegen.
