Guwahati, Jan 11: Jorhat-ni MP aro Lok Sabha-o Congress Parliamentary Party-ni dilgipa Gaurav Gogoi, Assam-ni Dima Hasao a•jao donggipa koela a•kol begruani bidingo am•sandianiko dakchina gita Special Investigation Team (SIT)-ko ta•rake songe on•china gita Prime Minister Narendra Modi-na lekka sedoataha. 2025 bilsini January jani 6 tariko niamgri koela cho•gipa a•kolo rang•san chi ban re•baanichi a•a ning•joljol tarigipa rama be•gropani a•sel komibewaloba sak 10 koela cho•giparang jachange dongna nangao ga•akaha. Ia ong•a obostani a•sel sak 3 manderangni manggisiko man•anichi da•o dipet chu•gimik sigiparang sak 4 gapaha.
Naljokatani kamrang sal 5 gapengon, koela cho•gipa jachange donggiparang mai ong•aha u•ina gita man•kujaenga. Ia ong•a obosta, ma•ekgipa case ong•ja indiba ian simsakgijani, kakketgijani aro jolo niamgri koela cho•anichi samtangtango donggipa ong•telaigiparangna namgijaniko ra•baani ong•a, inenba MP aganataha.
Rat-hole mining ba chongipa a•kolko cho•e koela bikotaniko, National Green Tribunal (NGT)-ni gita 2014 bilsion champengatahachim, indiba Assam a•dokode iako dakengkua. 2021 bilsio, Justice Brojendra Prasad Katakey-ni report-ni gitade ia niamgri koela cho•anirangko champengna man•gijaniara ian niam ra•gatanirang bilakja baksana songni manderangba bak dongpaani a•sel ong•a ine mesoka. Namphai aro Saleki forest-rangko man•chape Digboi forest division-o niamgri koela cho•anirangko dakengkua ine 2019 bilsini data-oniko MP janapataha.
Jolni authority-rang jekai district official-rang aro police dolrang, champengatanirangko name dakjaengani a•sel Umrangso, Karbi Anglong aro Dima Hasao-o niamgri koela cho•anirangko dakna gita man•enga ine MP janapataha. Champengatanirangko name dakjani a•sel da•o manderangni janggirang gimana nangan baksana samtangtango donggipa ong•telaigiparangna namen nosto ong•anirangko ra•baaha.
MP-ni Prime Minister-na seatgipa chittio, Dima Hasao-o ong•a obostani bidingo am•sandianiko dakchina aro sawa dos donga uko sandichina, koela cho•na champengataniko maina da•onaba dakatkuja uko nirokatchina, jolni authority-rang aro police dolrangni niamgri koela cho•anirangko dakna on•anio uamangni dakgni kamrangko niani, niamgri koela cho•anio naljokani aro kam ka•enggipa biaprang nama namgijaniko nirokani, Karbi Anglong, Dima Hasao aro Upper Assam-o niamgri koela cho•enggipa biaprangko sandichina aro ia niamgri koela cho•anichi samtangtango donggipa ong•telaigiparangna namgijaniko ra•baani gimin poraie nike aganchina gita Special Investigation Team (SIT)-ko songe on•china gita mol•molataha.
Ia ong•a obostara, Assam aro India-o niamgri koela cho•aniko champengna dakgrikanio mongsonggipa ong•enga ine MP janapataha.
Kakket bichal aro dingtanganiko ra•bana nangchongmotani gimin aganengon, Assam aro India gimikni manderang chong•mot kattako ma•sina kra•a aro kakket bichal on•aniko nikna gita nanga ineba MP u•iataha.
Kakket bichalko on•a, dos dakgipa manderangko rim•na aro mikkangchi iandakgipa obostarangko champengatna gita, Prime Minister ta•raken ja•ku de•anirangko dakanggen ine MP an•tangni ka•donganiko parakataha.
Na·simang ia video-koba nina man·gen:
Na·simang iakoba poraina man·gen: Chang 6-gipa Meghalaya Games-ko sokachakna Jowai tarisamsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
