Dudhnoi, Oct 17: Assam a•doko songdongenggipa A•chikrangna Garo Development Council (GDC) on•aniko jegale Bristibar salo, Garo Autonomous Council Demand Committee (GACDC), dingtangmancha jinma tom•bimonganiko Dudhnoi-ni Silluk kal•chakramo ong•atangaha aro Assam a•doko songdongenggipa A•chikrangna Garo Autonomous Council (GAC)-kosa on•china dabiangtokaha.
Ia tom•anio, Garo National Council (GNC), Garo Women Council (GWC), Garo Youth Council (GYC), All Garo Gaonbura Association (AGGA) aro dingtang dingtang dolni dilgiparangba bak ra•angtokaha aro ia tom•bimonganio Kamrup aro Goalpara a•ja damgnio songdongenggipa bang•a A•chikrang bak ra•angaha.
Ia tom•anio dingtang dingtang dolni dilgiparang aganprakengon, skangonin Assam a•doko songdongenggipa A•chikrang, GAC-kosa dabitokengachim indiba Assam sorkari, manderangni dabianiko knachakgija GDC-kosa on•skaaha aro da•o GDC-ni gital committee-ko Assam Legislative Assembly-ni Deputy Speaker Dr Numal Momin-ni dilanio songna siengaha ine an•tangtangni suk ong•gijaniko parakangtokaha.
Assam Assembly-ni Deputy Speaker Dr Numal Momin-ni a•selsa Assam sorkari, Assam-ni A•chikrangna GDC-ko on•na gita ra•chakaha ineba ia tom•anio dingtang dingtang dilgiparang suk ong•gijaniko parakangtokaha.
Ia tom•anio uamang GAC-ko man•kujaskal dabiangkuna tik ka•aha ine janapatengon, Assam a•doko songdongenggipa A•chikrangna GAC-ko on•jaskal uamang jingjengatanirangko dakanggen ine dilgiparang parakataha.
Na·simang ia video-koba nina man·gen:
Na·simang iakoba poraina man·gen: NGH-o Ayushman Bharat Pradhan Mantri Jan Arogya Yojana-ni bilsi 6 gapaniko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
