Guwahati, Jan 21: Assam-ni Barpeta District Jail-o India-ni skanggipa berry farmko a•bachengataha. Ia dingtangmanchagipa a•bao, pang 200 bol pangrang baksana nikronggijagipa biterang jekai Apple Berry, Miss India ba rokomsa angkilrang aro Thailand Berry-ko ge•anirangra rehabilitation program-ni bak ong•a jekon re•anggipa bilsio a•bachengataha. Jail ning•o dongenggipa manderangna gama ge•anirangko dakanichi gital daktaianiko on•a gita Jail-ni Superintendent Pranjal Kumar Sharma aro Jailer Nilutpal Kakati ia project-ko a•bachengataha.
Ia pattok ning•o donggipa a•ba dakenggipa biapko re•roroe nia jaman ia biapara pattoksan ong•aija indiba ian dingtanganiko ra•bana man•gipa biap ong•a, inenba Additional District Commissioner Jayanta Bora janapatan baksana, ia a•ba dakaniko a•bachengataniara pattok ning•o donggipa manderangna gital changa sapaniko skie ra•na dakchakaniko on•a baksana gital dake janggi tangna cholko on•a ja•ku de•aniba ong•a ineba aganaha.
Ia pattok-ni apalani 127 bigha-rang ong•gen jeon nom•gipa biterangna agreba gipin bolpangrangkoba ge•a. Pattok ning•o donggipa manderang iano, besual, e•ching, baring, mula aro pul kobi-rangkoba ge•a. Una agreba iano banggija bija jillanirang, na•tok jillanirang, strawberry-rang baksana pang 1000 golap pangrangba gnang. Ia ja•ku de•anichi ia pattok-ni gita sorkarina tangka gong lakh 1-ko sorkarina man•e on•aha.
Mi mangmangko ge•gipa ia pattoko da•o dingtang dingtang mi misi aro ma•manti biterangkoba ge•aniko dakengaha aro ian tangka paisa kamaian baksana mikkangchi nambate janggi tangna man•a gita gama ge•ani bidingo skie ra•anirango dakchakanikoba on•a.
Ia project bang•a rasong on•anirangko man•a baksana, Jail-ni official Nilutpal Kakati aro Hiteshwar Hazarika maangko uamangni dilanina Assam sorkari mande ra•pilskaaniko dakangaha.
Ia project-ni gita tangka paisarangko kamaiasan ong•aigija, pattok ning•o donggipa manderangni gisikni gita an•seng baljokaniko nambatataha. Ong•telaigipa samtangtango kam ka•ani uamangna tom•tomgipa dongram biapko ong•atan baksana janggi tangna gita miksonganikoba on•angaha.
Na·simang ia video-koba nina man·gen:
Na·simang iakoba poraina man·gen: M’laya CM, koilaniko man•gipa tangkaoniko gong crore 40-ko JHADC-na on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
