Guwahati, Jan 15: Assam-ni Charaideo Moidams-ko India a•songni 43-gipa World Heritage Site ine parakatani ja•man, Assam-ni Cultural Affairs Minister Bimal Borah, re•anggipa January 13 tariko, Paris songjinmao donggipa UNESCO headquarter-ona re•ange, iani certificate-ko UNESCO-ni Assistant Culture Director General Ernesto Ottone Ramirej-oniko ra•chakangaha.
Assam-ni Charaideo Moidams-ara Ahom Dynasty-ni Mound-Burial System ong•a aro ia biapko 2024 bilsini July jao UNESCO-ni damsa World Heritage Site ine segatchengahachim.
Ia Charaideo Moidams-ko UNESCO-ni World Heritage Site ine parakaniara Assam a•dokni itihaso mingsa chu•sokani ong•aha aro ian Assam a•doko songdongenggipa manderangna mikkim rasongba ong•aha.
Ia Ahom Dynasty-ni Charaideo Moidams-ara Assam a•dokni ong•baani aro daka rikaniko mesokaniba ong•a aro ia biapko UNESCO-ni damsa World Heritage Site ine parakaniara Assamese-rangni daka rikanirangko ripinge rakkina krenge kam ka•gipa pagitcham ma•gitchamrangna mande ra•pilskaaniba ong•aha.
Ia official certificate-ko Assam-ni Minister-na pakwate on•atani somoio World Heritage Centre-ni Director Lazare Orlando Assomo aro France-ona India-ni Ambassador Bishal B Sarma-ba dongpaaha.
Na·simang ia video-koba nina man·gen:
Na·simang iakoba poraina man·gen: 2027 bilsio National Games-ko sokachakna tariaha ine M’laya CM paraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
