Guwahati, Dec 24: Lokh Sabha-o Congress-ni dilgipana dakchake on•gipa aro Member of Parliament, Gaurav Gogoi, BJP aro uarang baksa bakrimgipa dolrangko, Manabendra Sarma Complex-o jinma tom•bimonganiko ong•atmittingo Indian Constitution-ko niamgri dingtangatna jotton ka•anina raken jegalaniko dakangaha. Debabrata Saikia, Pranati Phukan, Ripun Bora aro Mira Borthakur-ko man•chape gipin Congress dolni dilgiparangba, Constitution-na warachakna aro BJP-ni daka kamni kosako matnanganiko dakna gita “Ambedkar Samman Yatra”-o bakrimeaha.

Indake ong•engon, ia tom•anio Gogoi bilsubee aganprakaniko dake jinmani gisiko salaha.

Gaurav Gogoi, RSS aro Hindu Mahasabha-ni kosako Constitution-ko mande ra•ja ine matnangatenba, adita somoirangna skang uamangni mande ra•aniko mesokanina sing•doaniko dakataha.

Uasan ong•aigija, ia dolrang skang chengonin India a•songni dakbewal rikbewalrang baksana social justice ba songsalo mikkang nitea gri ong•aniko mande ra•gijaniko mesokbaaha ine aganengon, ia dolrang Constitution-ko mande ra•genchim ong•ode maina uamang da•o Constitution-ko dingtangatna ka•mikkenatenga ine sing•doaniko dakataha. Iani gisepon, ua a•dokni Skotong Minister, Himanta Biswa Sarma-koba, Union Home Minister Amit Shah-ko kusi ong•atna mangmang, Congress dolni jingjengataniko champengatenga ineba matnangataha.

Constitution dongjagenchim ong•ode, dilgiparang jekai Prime Minister Narendra Modi aro Sarma, maangba office-ko jako ra•na gita man•jawachim inenba Gogoi aganangaha.

Rahul Gandhi-ni Bharat Jodo Nyay Yatra-ko awareness on•anina rasong on•e aganangan baksana, Amit Shah, kamtangko watgalja dipet jingjengataniko dakanggen ineba parakataha.

Political party-ni manderangde jingjengatanirango bak ra•na gita man•ja ine Sarma-ni agangipa kattani bidingoba ua matnanganiko dakataha maina Sarma-ni party-tangni manderangan jingjengataniko on•atgiparang ong•achim.

Chadamberang aro me•chikrangni gisiko nangbee uamangni kakket bichalna aro mikkang niteani gri ong•atna ja•ku de•anio apsan kam ka•anichi Congress dolrang bilakbatroroengaha ineba ua agandapangkuaha.

Na·simang ia video-koba nina man·gen:

Na·simang iakoba poraina man·gen: Tripura Pradesh Congress, Union Home Minister-ni kosako jegale jingjengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub