Guwahati, May 25 : Lakhimpur-ni ning•o donggipa Khelmati police outpost-ni ningo donggipa mande saksani siani bidingo, Khelmati outpost-ni Inspector in Charge (IC) Dipangkar Changmai, sipai saksa Constable Bhairab Deori aro Home guard Anil Bora-mangko kamoni dikdiksana dondikataniko ra•galpilna gita, Assam-ni Director General of Police (DGP) GP Singh, ge•etaniko on•angaha.
Battanggimin salrango, North Lakhimpur-ni police outpost-ni ning•o sianggipa, bilsi 42 onggipa, Arshad Ali-ni skanggipa post-mortem ka•ani report-o me•sokani gitade, gitcham ka•tong saani giminsa ua sina nang•aha. Uni gimin, sipai sakgni baksa IC-ko kamoni dikdiksana dondikataniko ra•galchina gita a•jani SP-na u•iataha. Indake ong•genchimoba, che•em am•sandie niani aro nangchongmotgipa kamrangkode dakangkugen,” ine GP Singh X (Twitter)-o parakataha.
Police dolrangni u•iatani gitade, Arshad police custody ning•ao saani gimin uko Lakhimpur Medical College aro Hospital-ona rimangahachim jeon uko “siakosa ra•baaha” ine doctor-rang parakataha.
Re•anggipa May jani 23 tariko, Lakhimpur a•jani Khelmati Out Post-ko adita denggu dakgipa dolrangni ro•ong goruruani gimin, CCTV-o nikan baksana adita sakkirangko man•enba sak 15 manderangko rim•aha, ine DGP u•iataha.
Rim•a man•giparangni bimungrangara, Jahangir Ali, Md. Malek Ali, Md. Monirul Islam, Md. Sahjahan Alom, Md. Soni Ahmed, Md. Papu Khan, Md. Mubarak Ali, Md. Mojibur Rahman, Md. Ajijur Rahman, Md. Kashem Ali, Md. Baharul Islam, Anar Islam (Anarul), Syed Mafujur Rahman aro bilsi chu•onggija sakgni manderang ong•achim.
Police dolrangni u•iatani gitade, am•sandianiko dakon uamangoniko bang•bea wa•al sona tarisamoani bosturangkoba man•aha, indake ia rim•a man•giparangni kosako kragipa niamni gita ja•ku de•anirangko dakanggen.
Na·simang ia video-koba nina man·gen:
Na·simang iakoba poraina man·gen: Tura Civil Hospital-o skanggipa changna sakgni ka•tong operation ka•giparang jokangtoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
