Dibrugarh, Sep 4: Robibar walo, Assam Dibrugarh a·jani Banipur jolo donggipa Dhekeri Gaon songo, bilsi 17 ong·gipa me·tra saksani manggisiko man·aha.

Ia me·chik bi·sani manggisiko, ceiling fan-o kadingdee dongakosa nikchengahachim indiba police-rangni ua biapona sokangon, uko palango tuate donakosa nikeaha.

Ia me·chik bi·sako drae til·ekenba so·ote galakon ine police-rang chanchichipenga.

Ia me·chikko so·otani bidingo police-rang, mande sakbriko rim·aha aro uamangara Biswajit Bakti, Kishore Bauri, Rohit Rabi Das ba Naga aro Lohit Deka ong·a.

Dibrugarh a·jani SP (HQ) Papori Chetia-ni parakatani gitade, ia me·chikara Tinsukia a·jao donggipa Makum songoni ong·achim aro ua Moni Rajwar minggipa mandeni noko donga jagittammang ong·engahachim.

Ia me·chikni manggisiko post mortem-na watataha aro post mortem report-ko man·ahaon uni siani a·selko ma·sina man·gnok ineba SP parakataha.

Iakoba poraie nina man·gen: Primary skulrango skigiparang jegale re·joma

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub