Guwahati, Jan 19: Sonibar pringo, Assam-ni Dima Hasao ramao sak 25 skul bi•sarangko salangenggipa bus tang•srotenba rama a•sel ong•anio, bilsi 9 ong•gipa me•chik bi•sa janggitangko gimaatna nangan baksana sak 15 saknaako man•gipa bi•sarangoni sakgni bilongbee saknaako man•aha.

Sianggipa me•chik bi•sara, Scared Heart School-ni klas 3-o poraienggipa Dalmir Rongpi ong•achim.

U•iatani gitade, a•sel ong•a man•gipa bus ge 3 skulrang chong•motan Sacred Heart School, Saraswati Vidya Mandir aro Garampani High School-ni bi•sarangko salangmittingo rama gonggeo gariko ka•sinatna man•jaenba, Dima Hasao-ni Umrangso jolo donggipa cement karkanani sambao donggipa field-o ga•akeaha.

Ia pilak chatro chatrirangan skul tangtangona re•angmitting ong•achim aro ia a•sel ong•anio, jolo donggipa manderang chatro chatrirangko naljokatanio police dolrangna dakchakaniko on•angaha.

Dima Hasao-ni Superintendent of Police Mayank Kumar Jha, Umrangso-ni 19-Kilo minggipa jolo bus bolsa gongge ramako re•angmiting somoio gariko ka•sinatna man•jaenba ramaoni ga•akangaha jeon bilsi 9 ong•gipa me•chik bi•sako siaha ine doctor parakataha aro sak 2 bilongbee saknaako man•aha ine u•iatengon, gipin banggija saknaako man•giparangde hospital-oni jokangtokaha ine u•iataha.

Maini a•sel ia ong•a obosta ong•aha uni gimin name am•sandianiko dakengon, uamangni skanggipa mikkango done kam ka•anide uan bi•sarangko naljokatanian ong•a, ineba Jha agandapangkuaha.

Na·simang ia video-koba nina man·gen:

Na·simang iakoba poraina man·gen: Chingba Jimbe Ch Marak, MCS porikka seanio chubata gadangko man•e niksenga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub