Guwahati, Jan 12: Standing Committee of the National Board for Wildlife (NBWL), Assam-ni Hollongapar Gibbon Wildlife Sanctuary-o eco-sensitive zone (ESZ)-ni ning•o to aro gas-ni gimin talbate u•ina gita a•kol puaniko namnike ra•chakangaha. Indake ong•engon, pala simmaniko dakna a•kol puanikode raken champengatskaaha. Ia tik ka•aniara bilko jakkalna nangani aro buringo donggipa janggi gnanggiparangko ripingani bidingo jera ra•grikaniko nabaata.

Ia tik ka•aniko, committee-ni chang 81-gipa tom•bimonganio dakangaha, jeon name nianiko dakna sanctuary-oni km 13 chel•ao donggipa buringni rama-ko man•chape a•kol puaniko 4.5 hectare-rangosan man•aigen. Ia Sanctuary, India-o man•gipa ki•me krigipa makkre dal•gipani dongram biap ong•a, ia Sanctuary-ni bakroanin 20.98 square kilometer-rang ong•a baksana 264.92. square kilometer eco-sensitive zone-ara Assam aro Nagaland-ko nangdimatgipa ong•a.

Hollongapar Gibbon Wildlife Sanctuary, ian buringo donggipa pilak janggi gnanggiparangni dongchakram ong•an baksana uamangni mongsonggipa rama re•na jakkalgipaba ong•a. Hoolock Gibbon ba huro-ni jaman bimung mingako man•gipa ia Sanctuary, gipin rokom 6 makkrerangni dongramba ong•a. Iani gisepon, relgari ramachi ia Sanctuary-ko bak gni dakatani a•sel uamangni dongram biaprang nosto ong•atako man•a baksana huroni nokrangrangko dingtang dingtang ong•ataha, jeni a•selan uamangni bariroroaniko komiata baksana bolrango janggi tanggipa matburingrangna kegnikoba ra•baenga.

Dr. Sukumar, buringo janggi gnanggiparangni gimin name u•igipa, Sanctuary-ni nosto ong•na altuaigipa obostani gimin aganengon, ia Sanctuary-ko sepangjolo donggipa a•arangoni ratgala man•gimin “forest island” ba buringraragipa chichang ine aganaha.

Environment Ministry, Wildlife Institute of India aro Assam Forest Department-ni official-rang biapona re•ange nieaniko dakangaha aro talbate ma•sie ra•na gita a•kol bitanio samtangtango donggiparangna banggijasan nangchakeako man•aigen ine nikna gita man•aha. Indake ong•genchimoba, uamang pala simmaniko dakna cho•anirangkode raken champengataha.

A•ningoni to-ko name u•ina gita a•kol puaniko dakenggipa company ia dongimin niamrang jekai, real-time digital monitoring system-rangko donani, kam a•bachengna skang tarisamsonirangko mesoke on•chengani, bol den•aniko komiatani aro jabol ong•atgijani baksana sco-sensitive zone (ESZ) jolrango hydrocarbon-ko bikotna on•gijaniko jarikna ku•rachake ra•angaha.

Ia reserve-ko man•genchim ong•oba eco-sensitive zone-ni a•palonikosa ra•ongkatna gita man•gen aro ra•ongkatna tarisamsoengon ra•chakaniko man•a gita nanggen.

Ku•rachakanirangko dakgenchim ong•oba jajrenganide dongaia. Nagaland a•dok sepango donggipa manderang, kajia ong•enggipa biapni sepango donggiparang, a•dokni aro jolni dilgiparangna maming u•iata gri a•kol puanina jegalaniko dakataha. Iano bang•a dingtang dingtang neng•nikanirang jekai mande aro mongma baksa nanggrikanirang, dongram biaprangko nosto ka•ani aro Assam-o adita somoirangna skang mongma so•otanirangko chagrongna nangaha. Ia committee-ni gita, a•dokni authority-rangko dos donggiparangni kosako rakgipa ja•ku de•aniko dakan baksana mikkangchi tom•bimonganirango iarangni bidingo u•iataniko on•china gitaba u•iataha.

Na·simang ia video-koba nina man·gen:

Na·simang iakoba poraina man·gen: Mawkdok-o a·sel ong·gipa manderangna CM dakchake on·a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub