Guwahati, Jan 15: Robibar walni somoio, Assam-ni Golaghat a•jao bijoli nangani a•selo mongma mangsa siaha.
Ia a•sel, Golaghat a•jani ning•o donggipa Greater Morangi jolni Letekujan-o ong•aha.
Indake, sepangjolo songdongenggipa manderangni aganani gita, batanggimin ja 6-mangna Morangi jolo, mongma jilmarang rorame roengachim ine nikna man•a.
‘Uruka manianiko maniani walo, Letekujan-o jilma roenggipa mongmarangoni mangsa re•baenba National Highway 39-ni sepangjolo donggipa bijolio nange siaha’ inenba ua jolo dongenggipa saksa aganaha.
Iani gisepon, Forest official-rang, ia a•sel ong•gipa biapona sokbaaha aro sigimin mongmako nikeaha.
“Chinga mongmani siani a•selko name u•ina gita porikka ka•e niaha, indiba siani chongmot a•selkode am•sandianiko dakkuenga” ine forest official parakataha.
Batanggimin bilsi 10-ni gisepo, Assam-o mang 250 mongmarang siaha. 2017 bilsio am•sandie niani gita, Karnataka-ni jaman, North Eastern a•dokrango mongma-rangni siani, mang 5,719 gimik ong•enba, India a•songo gnigipa gadango ga•akenga inenba nikna man•a.
Iakoba poraie nina man·gen: Assam-ni Nagaon Police firing range-o smoke cell brete sak 4 bilsi chu•ungkugijagipa bi•sarang saknaatako man•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
