Guwahati, Feb 25: Mongolbar salo, India a•songni Prime Minister Narendra Modi, Assam a•dokni Guwahati songjinmao ong•atanggipa ‘Jhumoir Binandini 2025’-o bak ra•angaha aro uko Assam a•dokni Chief Minister Himanta Biswa Sarma, mande ra•bee rimchaksoaha.
Ia program-ko ong•atanio, cha bagano kam ka•enggipa sak 9000-mangni gita manderang, Jhumur chroke mesokangaha.
Ia tom•bimonganio Prime Minister Modi, jinmana aganprakangengon, Assam a•doko cha baganrangni nitoaniko an•tangni janggi tangani baksa toe janapangaha.
Assam a•dokni manderang, jekai cha baganrang baksa bak ong•a apsan daken uni janggi tanganioba saksa ‘cha palgipa’ ong•e, cha baganrang baksa bak ong•a ine PM Modi aganaha.
Assam a•dokni daka rikani aro ku•agananiko ripingna gita sorkari on•kange kam ka•enga ine janapatengon, Assam a•doko songdongenggipa manderangni dabienga gita Assamese ku•sikko Classical Language dake ra•gatna sorkarini tik ka•aha ine PM Modi parakataha.
Assam-ni daka rikanirangko a•gilsakni gadango ong•atani bidingo janapangengon, iandakgipa programrangara Assam-ni mikkim rasong ong•a aro India a•songo dingtang dingtang jatrangni daka rikanirangko mesokani ong•a ine PM Modi aganaha.
Skang salrangode Assam aro salgro salaram a•dokrangko galchipachim indiba da•alo ua an•tangan salgro salaram jolrango namroro silroroaniko ra•bana saksa kam ka•dilgipa gita ong•aha ineba PM Modi aganaha.
Na·simang ia video-koba nina man·gen:
Na·simang iakoba poraina man·gen: Guwahati-o Advantage Assam 2.0 Summit-ko PM Modi a•bachengate on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
