Guwahati, Aug 7: Assam a•dokni Karbi Anglong a•jao niam gri songdongenggipa manderangko a•rikgalchina dabie, Budbar salo jinma re•jomaniko ong•atengmiting somoio, re•jomenggipa manderang aro police-rangni gisepo dinggrikanichi sak 9 police-rangko man•chape gimik sak 44 manderang, saknaanirangko man•na nangaha.
Karbi Anglong aro West Karbi Anglong a•jani Professional Grazing Reserve (PGR) aro Village Grazing Reserve (VGR)-o niam gri songdongenggipa manderangko a•rikgalchina dabie Budbar salo, dingtang dingtang dolrang, jinma re•jomaniko ong•atangahachim.
Ia jegalenggipa dolrangko, Karbi Anglong Autonomous Council (KAAC)-ona re•jomangnade on•ahachim indiba jegale re•jomenggipa manderang, on•gimin rama gita ong•gija Tinali-chipakna re•jomangskana a•bachengaha aro police-rang, ia dolrangko champengna jotton ka•on, ia manderang police-rangko ro•ong gona a•bachengskaaha.
Police-rangko iandake ro•ong gona a•bachengani ja•man police-rangba bangbango silchidarerangko goaha aro manderangko katatna gita gol•dikrangchi dokaha.
Ia so•sojengjeng ong•ani bidingo talataniko on•angengon, PGR aro VGR-o niam gri songdongenggipa manderangko a•rikgalchina dabie uamang an•tangtangni memorandum-ko on•na KAAC-ona re•jomangengachim indiba re•jomangengmiting somoio police-rang uamangko skatang dokruruna a•bachengaha ine ia re•jomaniko ong•atgipa dolni dilgiparang parakataha.
Iandake dolgni dinggrikanio police-rang aro jegalenggipa dolrangoniba bang•en saknaanirangko man•na nangaha.
Na·simang ia video-koba nina man·gen:
Na·simang iakoba poraina man·gen:UDP dol Gambegre bye-election-o susaani bidingo tom•e chanchirima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
