Guwahati, Jan 13: Assam-ni MP Pradyut Bordoloi, Assam-ni Skotong Minister Himanta Biswa Sarma-ko niamgri koela cho•aniko dakna on•a ine matnanganiko dakenba, uni kosako ta•raken ja•ku de•aniko dakchina gita Prime Minister Narendra Modi-na didiani lekkako sedoataha.

Assam-ni Dima Hasao a•jao donggipa koela cho•enggipa a•kolo rang•san chi ban re•baani a•sel bang•a koela cho•giparang jachange dongna nangan baksana adita koela cho•giparangni manggisirangkoba man•aha.

Pradyut Bordoloi ia ong•enga obostani namgijani gimin aganengon, Controller and Auditor General (CAG) 2022-ni report-o mikrakataniko on•ani gisepon, Assam Mineral Development Corporation (AMDC) baksa ia niamgri koela cho•aniko dakangaha ine aganangaha.

Ian gital jajrengenggipa katta ong•ja ine aganengon, a•dok sorkari aro ma•mong sorkari ia kenbegnigipa aro nosto ka•aniko ra•bagipa kamrangni bidingo nirokataniko dakgenkon ine ka•dongenba, ua 2019 bilsini July 2 tariko niamgri koela cho•ani bidingo Lok Sabha-ona ra•angahachim, indiba bilsi 5-ni gisepo maming dingtangatani dongjakon, inenba Bordoloi u•iatangaha.

Samtangtango donggipa ong•telaigiparangna naljokaniko on•a gita, ia kenbegnigipa aro nosto ong•ataniko ra•bagipa niamgri koela cho•aniko, 2014 National Green Tribunal (NGT)-ni gita champengataniko dakatahachim. Indake ong•engon, Assam, Meghalaya aro Nagaland-rango da•oba niamgri koela cho•anirangko dakengkua ine Pradyut Bordoloi a•kangataha. Kotoky Commission report-ko janapenba, a•dok sorkarini u•iani gnangan, Assam-ni Digboi Forest Division-ode koela cho•anirang ramram kattasa ineba ua agandapangkuaha.

Politician-rang aro bil gnanggipa dolrangna a•dok sorkarirang chakpaaniko on•enga aro mittam niamni kosako re•badeaniko dake man•gipa tangka paisarangko bobil dake chakatgipa dolrangna on•enga ine Bordoloi matnangataha.

Assam-ni Skotong Minister-ko kamoniko dondikatchina aro ia ong•a obostani bidingo CBI aro ED-ko am•sandianiko dakchina gita u•iatan baksana, Salgro Salaram jolo baditana koela cho•anirang giproroangahani bidingo 2019 bilsio uni mol•molaniko minister-ni dolrangko poraie nichina aro ku•pattianiko on•china gitaba u•iataiaha.

Niamgri koela cho•anirangko champengna gita bang•a niamrang gnang indiba, uarangko name ra•gatja ine aganengon, iani bidingo rakgipa ja•ku de•ani aro daito ra•na nangchongmotani gimin, Bordoloi u•iataha.

Na·simang ia video-koba nina man·gen:

Na·simang iakoba poraina man·gen: M’laya a•dokni skanggipa State University-ko CM a•bachengate on•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub