Guwahati, Mar 21: Assam a•dokni National Health Mission (NHM)-o kam ka•enggipa manderang, apsan kamna apsan dormahako aro 7th Pay Scale-ko dabie Sukrobar salo, All Assam Health & Technical Welfare Association (AAHTWA)-ni bimingo, kamrangko dontongate, Guwahati songjinmani Chachal-o jingjengatangaha.
Ia jingjengatanio, Assam a•dok gimikonin ia association-o bak ong•enggipa manderang bak ra•angtokaha.
NHM-o kam ka•enggipa manderangni parakatani gitade, batanggimin bilsi 19-na uamangni dabianirangko chu•sokatchina uamang Assam sorkari aro bilo ong•enggipa manderangko didiengachim indiba da•alonan uamangni dabianirangko chu•sokate on•chipkujaengachim.
Ayuvedic medicine-o medical officer ong•e kamko ka•enggipa Dr Rajiv-ni kobor ra•timgiparangna aganani gitade, Assam-o NHM-ni kamko ka•enggipa manderang sak 26,000-mangni gita donga aro uamang 2006 bilsionin, kamni kri dormahako 7th Pay Scale-o on•china dabitokenga.
Uamang bilsi 20 batpile NHM-o dangdike on•engoba da•alonan uamangni dabianirangko sorkari chu•sokate on•jaenga aro mikkangchiba uamangni dabianirangko sorkari chu•sokate on•jagenchimode uamang bilakbate jingjengatanirangko dakanggen ineba Dr Rajiv aganaha.
Na·simang ia video-koba nina man·gen:
Na·simang iakoba poraina man·gen: Shillong-oni Jude Khyriem, Indian Book of Records-o segatako man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
