Guwahati, April 16: Assam-ni Skotong Minister Himanta Biswa Sarma, National Herald Case-ni bidingo Congress-ni dilgipa Rahul Gandhi-ni kosako matnangataha. Non-profit company ong·genchim ong·oba, Gandhi nokdangni manderangara maikai National Herald-oniko bang·a tangkarangko man·a ama inenba ua sing·doaniko dakataha. Sarma-ni aganani gitade, ia company-ko man·gnina jakkalna on·jagenchim ong·oba, Gandhi-ni ia company-ko jako ra·a intaloni uni gamchatani 50 lakh-oni kror 2,000-ona tangdoaha.
Rahul Gandhi, an·tangan namgija kamrangko ka·e tangka paisarangko man·gipa ong·e, bading chiwalaniko dakgipa manderang jekai Adani aro Ambani maangko matnanganiara kraani ong·ja ine Sarma janapataha. Banggija tangkarangko bang·atani budi-ko Rahul Gandhi una skie on·a ong·ode, Sarma, ua tangkarangko Assam-ni manderangna dakchakaniko on·a jakkalgenchim ine baleka gnang aganataha.
Congress dolrang jegalaniko dakana bate, uamang Gandhi-ni nokdangni manderangoniko kror 2,000 tangkarangko bienba party-ni officer-rang, jekai Assam-o donggipa Rajiv Bhawan-ko taridapna jakkalbo ine aganangaha. Uasan ong·aigija, Congress dolna kam ka·enggipa ramram manderangna ua ka·sachake nika maina uamangni neng·nikanirangko chagrongengon, party-ni dilgiparang tangka kamaianiko dakskaenga ineba ua janapataha.
National Herald Case-ni bidingo, Sonia Gandhi aro Rahul Gandhi-ni kosako Enforcement Directorate (ED)-ni chargesheet-ko segata jaman Assam-ni Skotong Minister ia kattarangko aganataha.
Na·simang ia video-koba nina man·gen:
Na·simang iakoba poraina man·gen: Congress dilgiparang Guwahati ED office nokmikkango jegala: Adita dilgiparangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
