Dibrugarh, June 15: NEET result -ni gimin so•so jengjeng ong•engon, Assam sorkari NEET, JEE porikka senagiparangna indin coaching-ko on•a ku•chakangaha, jedakode tangka paisana neng•nikgipa chatro chatrirang nama mark-rangko man•a gita man•genchim.
Allen coaching-ni, IIT aro NEET entrance porikka seanio name pass ka•gipa sak 8 chatro chatrirangna Assam-ni Skotong Minister Himanta Biswa Sarma, mande ra•pilskaaniko dakangaha. Iamangoni, sak 3 chatro chatrirang AIIMS-ni entrance porikkao aro sak 4 IIT-ni entrance-o man•an baksana, saksagipa All India Level-ni 148-gipa rank-o pass ka•angaha.
Kobor ra•timgiparang baksa agangrikengon, pilak chatro chatrirangko Indiani nambatgipa medical college aro engineering college-rango man•atna gita, a•songni chol ong•pagija manderangko banggija damrangko ra•enba dingtang dingtang coaching centre-rango, namnamgipa coaching institute-rangni dakchakanichi a•bachengatna gita ja•ku deaniko dakangaha. Da•alo, chinga Dibrugarh centre-o namgipa result-rangko nikna gita man•aha aro anga bebe ra•a mikkangchi Assamese chatro chatrirang ia institute-rango bang•bee admission-rangko ra•anggen, ineba CM Sarma u•iatangaha.
“An•ching pilakan u•ia, battanggimin bilsi 5-ni gisepo Ajmal foundation-ni NIT aro JEE-na bang•a coaching centre-rangko a•bachengatahachim, indiba uamang pilak jatni manderangnade cholrangko on•jahachim, indiba chingni ia a•bachengatna sigipa institute-o pilak gadangni manderangnan cholrangko on•gen,” ine Sarma janapangkuaha.
Ia Allen coaching institute-ko re•anggipa bilsio, Assam Youth Commission-ni Bikoxito Jibon Parikalpana Scheme-ni ning•o ge•gni batch-ko a•bachengataha, jeon skanggipa changon chu•sokaniko nikna man•ahanina ku•si ong•beaha. JEE-o sak 71 chatro chatrirang seahachim jeonin sak 4 chatro chatrirang IIT-ona seokako man•aha aro gipinrang NIIT-o man•skaaha. Sak 220 chatro chatrirang NEET porikkako seanio sak 155 chatro chatrirang chu•sokgipa ong•enba sak 3 chatro chatrirang AIIM-na seokako man•aha. Da•alo, Skotong Minister Himanta Biswa Sarma chingni institute-ona re•baenba nambatgipa chatro chatrirangna mittelpilskaaniko dakangaha,” ine Assam Youth Commission-ni member Bhaskar Gogoi aganangaha.
“Chinga chatro chatrirangni namgnina aro Assam a•dokni pilak chadamberangna komia damo coaching-ko on•a man•a gita Tezpur, Silchar, Nalbari aro Jorhat-o coaching institute-rangko a•bachengatna siengaha, ineba ua agandapangkuaha.
“Anga Assam Youth Commission-ko Dibrugarh-ona ia indakgipa cholrangko ra•bae on•anina mitelna namnika. Maina da•ode chatro chatrirang a•palchina re•angna nanggijan coaching class-rangko ra•na gita man•gnok,” inenba student saksa u•iatangaha.
Na·simang ia video-koba nina man·gen:
Na·simang iakoba poraina man·gen: Assam-o forest Range Officer-ko ku•mittu ra•anina rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
