Guwahati, May 22: Assam a•dokni Tamulpur jolo rama jal•langrang dongjae, dam 40-mangni gita songrang neng•nikanirangko chagrongna nangtokenga.
Koborko on•ani gitade, re•anggipa bilsio mikkarang jime waangani somoio, Bhutan a•song gita jokbaenggipa Daranga chibimako kabatgipa dolongko chi pe•angaha aro untalan Khairani Checha Pani aro uandakgipa biaprango songdongenggipa manderang, rama jal•lang dongjae, chibimako ga•batesa songre songgabatna gita nangtokenga.
Ia songrangona dakanggipa rama jal•langrang dongjani a•sel songni manderang, mongsongbate skulrangchi re•enggipa chatro chatrirang neng•nikanirangko chagrongna nangtokenga.
Ia jolo songdongenggipa manderangni parakatani gitade, Daranga chibima nalsao songdongenggipa manderang, rama jal•lang dongjani a•sel, chibimako ga•batesa gipin biaprangona re•na nangenga indiba da•o gita mikkarang wae chibima dal•baahaode manderang aro mongsongbate skulrangchi re•enggipa bi•sarang, skulrangchi re•na man•tokjaha aro uandaken porikkani somoirangode porikkarangko sena man•tokjaenga.
Iani bidingo changni chang sorkarina u•iatahachim indiba da•alonan uamangni nanganiko sorkari chu•sokate on•kujaenga ineba songni manderang parakataha.
Na·simang ia video-koba nina man·gen:
Na·simang iakoba poraina man·gen: B’desh-ni MP saksako Kolkata-o so•ota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
