Guwahati, Jan 20: Assam Education Board-ni gita ong•atgipa High School Teacher Eligibility Test-o jikgipani palo porikka sena re•baanina saksa mandeko Tezpur police, Robibar salo rim•aha.

Ia mandeara, Dalgaon-o donggipa Ballabh Bhai Patel Higher Secondary School-o Political Science-ko skie on•enggipa Sadeq Ali ong•achim, jean uni jikgipani bimung Sajida Ali-ni palo porikkako sena re•baahachim.

Police-rangni agani gita, Sadeq Ali, Tezpur Government Higher Secondary Girls Multipurpose School-ni exam hall-o porikka sena asongaha aro gipin skigipaskarang uko nikenba jikgipa Sajida Ali-ni bimungo porikka sena re•baaha ine u•ina man•aha.

Indake police-rang iandake cha•bokna jotton ka•ahanina Sadeq Ali-ko rim•aha aro uni kosako am•sandianiko dakengkua.

Na·simang ia video-koba nina man·gen:

Na·simang iakoba poraina man·gen: Ramakrishna Mission School-ko rikani bidingo dinggrikani ja•man Mawkynrew-o curfew-ko ra•gata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub