Guwahati, Apr 8: Sukrobar sal dipet, Assam a•doko donggipa Dhubri a•jaoniko Dubai-ona te•brong aro jal•lik gittangko watna a•bachengataha.

Assam a•dokni te•brongrangko ian skanggipa changna Dubai-ona watani ong•enga aro iako Sukrobar attamo Dhubri a•jani Deputy Commissioner Anbamuthan MP, Bilasipara-o a•bachengate on•angaha.

Skanggipa salo ton 1.5 te•brongko aro ton 0.5 jal•lik gittangko Dubai-ona watataha.
Te•brong aro jal•lik gittangko Dubai-ona watatna gita pilak nanga dakchakanirangko Agricultural & Processed Food Products Export Development Authority-ni gita on•enga.

Dubai-ona te•brong aro jal•lik gittang wataniko a•bachengatanio Dhubri-ni DC Anbamuthan MP, jinmana aganprakengon, Dhubri-oniko Dubai-ona te•brong aro jal•lik gittang watna man•engahani gimin District Administration, APEDA, KVK-ni Agricultural University aro game ge•e cha•giparangko mittelpilangaha.