Guwahati, Jan 19: Assam a•dokni Udalguri a•jani Ambagaon-o donggipa bilsi 75 ong•gipa Catholic gilja nokko January 15 tariko u•ina man•gijagipa manderang so•e donangaha. Ia a•sel walni 10:30 bajimango ong•aha aro ua jolo donggipa manderangna jajrenganiko ra•baaha.
Indake ua jolo donggipa manderang, uamangni gilja nokko so•ani gimin ding•chaoaha aro kakket bichalko ka•e on•china authority-ko dabiangaha, indake ong•engon, ia obostao jak donggipa manderangko rim•na gita Udalguri Police dol am•sandianiko a•bachengataha.
Bodoland Territorial Region (BTR)-ni Chief Executive Member (CEM), Pramod Boro, ia chadrapaniko raken jegalataha aro ia obostani bidingo ning•tue sandichina aro jak donggipa manderangni kosako raka sastiko on•china a•jani administration-ko didiataha. BTR-ni executive member, Ranjit Basumatary aro Dhanjay Basumatary, a•sel ong•gipa biapona re•ange nirokean baksa, songsalo tom•tom ong•e nangrime dongchina mol•molataha.
Indake, a•jani dingtang dingtang toromko olakkigiparang aro dingtang dingtang jatni manderang bakrime iandakgipa kamko jegalataha aro songsalo so•jengjeng ong•atna miksonggipa mandeko bakan sandie rim•china dabiangaha.
Na·simang ia video-koba nina man·gen:
Na·simang iakoba poraina man·gen: Assam-ni Dima Hasao a•jao rama a•sel ong•anio bilsi 9 ong•gipa me•chik bi•sa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
