Guwahati, May 6: UNESCO-ni World Heritage Site, Assam-ni Manas National Park-o bang·a gondurang aro matcharangchi name chalaianiko dakna man·enggipa da·o mongmarangko niamgri so·ote galanichi namen neng·nikaniko chagrongna nangenga.
Sombar salo, India-Bhutan sima ari sambajolniko buringni mongmarangko so·otanio matnangako man·gipa, Abid Borgoyari, Mahesh Islary aro Jiron Basumatary-ko Chirang a·jani Amtenga-oniko rim·aha.
Re·anggipa May jani 2 tariko park-ni dingtang dingtang biaprango sko rasotgimin sigimin mongmako man·chape mang 3 sigimin mongmarangko man·ani jamano uamangko rim·aha. Police dolrang uamangoniko niamgri slai-rang, slai barut-rang, walkie-talkie, niamgri so·otani ostrorang baksana mongma wagamrangkoba man·aha. Ia rim·a man·gipa manderangara mongmarangko niamgri so·otanio jak dongpagipa dal·gipa dolrang baksa bak dongpaama dongpaja authority-rang nianiko dakenga.
Na·simang ia video-koba nina man·gen:
Na·simang iakoba poraina man·gen: Pekatgipa bosturangko badingsrukanio jak donggipa bilsi 65-ni me·chikko East Jaintia Hills-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
