Dibrugarh, Apr 8: Sombar salo, Aam Aadmi Party (AAP)-ni dilgipa aro Delhi-ni Education Minister Atishi Marlena, Assam a•dokni Duliajan jillaona re•baenba, Dibrugarh Lok Sabha constituency-o AAP-ni candidate ong•e susaenggipa Manoj Dhanowar-na campaign ka•angaha.
Ia campaign-ni bak gita Duliajan-o dingtangmancha jinma re•jomaniko ong•atangaha aro ia re•jomanio AAP-na chakenggipa ritchani ritcha manderang party-ni nisanrangko ra•bite bak ra•angtokaha.
Tom•bimonganio bak ra•gipa manderangna aganprakangengon, Assam a•dokni manderang AAP-ni dilgipa Arvind Kejriwal-na ka•saani giminsa Guwahati Municipal Corporation aro Tinsukia Municipal Board election-oba AAP-ni candidate-rangko seokaha ine Atishi, Assam-ni manderangna an•tangni mittelpilaniko parakangaha.
Kejriwal saksa an•tangni ku•rachakatangko chu•sokatgipa ong•a ine janapatengon, Delhi-o ua namnamgipa skulrangko aro hospital-rangko rike on•aha aro iani giminan manderang uko namniktoka ineba Delhi-ni Education Minister aganaha.
Election-na skangde BJP-ni dilgiparang pangnan dal•a dal•a kattarangko ku•rachakronga indiba election-ni ja•mande ku•rachakatangko gualrongaia ine matnangatengon, Assam-na AAP, namnamgipa skulrangko, hospital-rangko, cha baganrango kam ka•giparangna gong 450 ka•e hajirako aro cha bagan dake cha•giparangna minimum support price (MSP)-ko on•gen ine Atishi ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Bobil dolni Hafiz Saeed-ko hospital-o donenganina social media-o ding•chaotoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
