Guwahati, Nov 19: Mande aro mongmarangni gisepo nanggrikanirangko komiatna aro matburungrangko ripingani bak gita ja•ku de•anio mang 50 mangni gita Assam-ni Baksa a•jao donggipa burungni mongmarangna radio-collar-ko Sombar salo tekaha. Ia ja•kuko mande aro mongmarangni gisepo nanggrikanirangko bon•atna aro uamangni re•ruraaniko u•ina man•a miksonganio, Bodoland Territorial Region (BTR)-ni ning•o Assam Forest Department aro Baksa Forest Division a•bachengataha.
Indake, ia mongmarangna radio-collar-ko tekani somoio, Assam State Zoo, Aaranyak aro gipin dolrang dakchake on•paaha.
Assam State Zoo-ni DFO, Ashwini Kumar, radio-collar-ko tekaniko chu•sokatna gita, veterinary-ni gita dakchakaniko, sanna bannani samrangko, silairang aro uandake gipin nanggipa bosturangko on•enga aro iarangko dakanichi mongmarangni re•ruraaniko u•ina aro uamang baksa nanggrikanirangko bon•atna dakchakani ong•gen ine aganaha.
SBI Foundation-ni Managing Director, Sanjay Prakash-ba, matburungrangko ripinganio aro mande baksa mongmarangni nanggrikanirangko bon•atna kam ka•enganina Assam Forest Department aro Aaranyak-ko mitelpilskaaniko dakangaha.
DFO Baksa, Golap Baniya, ia radio-collar-ko tekani namgnirangni gimin agantalate on•angskaaha.
Elephant Research and Conservation Division (ERCD)-ni skotong aro Aaranyak-ni senior conservation scientist, Dr. Bibhuti Prasad Lahkar, ia ja•kuko de•ani miksongani aro uarangni namgnini gimin aganangskaaha.
Na·simang ia video-koba nina man·gen:
Na·simang iakoba poraina man·gen: Meghalaya-ni Pyrngang chiringoniko rokom gital na•tokko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
