Guwahati, Apr 8: Assam-o Rongali Bihu ong•na siengahani gimin a•dokni dingtang dingtang biaprango Bihu chrokani aro dama dokaniko skie on•na gita workshop-rangko a•bachengataha.
Guwahati songjinmani dingtang dingtang biaprangoba ia Bihu Dance Workshop-rangko ong•atenga aro Dispur jolmangmangmangon skul aro college-rango poraienggipa chatrirangko man•chape ritchani ritcha dambe me•trarang, Assamese-rangni daka rikaniko ripinge rakkiani bak gita Bihu chrokaniko skie ra•tokengaha.
Rongali Bihu, ba jekon Bohag Bihu ineba minga, ia maniani bidingo ma•siate on•na aro ia manianio chrokani aro dama dokani bewalrangko skie on•na miksonganio ia workshop-rangko Assam a•dokni dingtang dingtang biaprango ong•atenga.
Ia workshop-ko ong•atanio bak ra•enggipa bang•a manderangan Rongali Bihu-o chrokaniko skie ra•na kusi ong•aniko paraktokaha.
Ia workshop-o bak ra•na man•engani gimin bak ra•enggiparangoni saksa Baishali Kashyap-ba an•tangni kusi ong•aniko parakatengon, Bihu manianiara Assamese-rangni mongsonggipa manianian ong•ani gimin Assamese-rang pilakan Bihu chrokani aro dama dokani bewalrangko ma•sie ra•na nanga ine parakataha.
Apsan daken, ia workshop-rango skie ra•enggipa gipin manderangba ia Bihu maniani aro chrokani gamchatgipa ong•ani gimin janapangtokaha.
Na·simang ia video-koba nina man·gen:
Na·simang iakoba poraina man·gen: Tinsukia-o rama a·sel ong·anio sakgni sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
