Guwahati, July 3: Bilsi sokkugijagipa me·chik bilsi 16 ong·gipako kal·akenba ja·mano so·ote galani mamlao, Kamrup district-ni mande saksako Assam police mija Robibar salo rim·aha.

Kobor on·ani gitade, dosko dakgipa saksa autorickshaw salgipa Babu Tumang, class 8-o poraienggipa bilsi 16 ong·gipa me·chikko kal·akani ja·man so·otenba Digaru chibimao uni manggisiko galone donangahachim.

Police-oniko kobor man·ani gitade, so·ota man·gipa me·chik batanggimin June 26 tariko bajarchiniko na·tok brena ong·katangaonin nokona re·bapila dongchipjahani gimin nokni manderang demechikni gimaengani bidingo Sonapur police station-o badi ka·angaha aro ua me·chik bi·sani manggisiko mija Sukrobar salo Digaru chibimao balboe dongako Sonapur joloniko man·ahachim.

Ia a·sel ong·anio jolni manderang mija Robibar salo Sonapur police station-o dos dakgipa mandena raka sastiko on·china dabienba adita so·sojengjengko ong·atangahachim.

Indake ong·engon, rim·ako man·gipa mandeo police-ni sing·sandion dostangko ku·rachakaha ineba koboro parakataha.

Iakoba poraie nina man·gen: Maharirangni robol kal·susaanio dol 39 me·asa aro dol 19 me·chikrang bak ra·enga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub