Guwahati, May 10: Assam a•doko Chief Minister Himanta Biswa Sarma-chi dilenggipa BJP sorkarini bilsi gittam gapanio maming dingtanganirangkon nikna man•jaha Assam Pradesh Congress Committee (APCC)-ni president Bhupen Borah matnangataha.
Borah-ni aganani gitade, Assam-o BJP sorkari bang•en kamrangko ong•katate on•enba a•songo skanggipa a•dok ong•gen ine ku•rachakahachim indiba bilsi gittam gapanio ia sorkari, gong crore 1.5 tangkarangko loan ra•esa sorkario kam ka•enggiparangna dormaharangko on•aha aro da•alona kingkingan Assam-o lak 10-na baten chadamberang kamgri ong•e dongna nangtokkuengachim.
Assam-o BJP sorkari, chu dokkanrangko kulina bang•en licence-rangko on•aha aro da•o bang•a skulrangni sambarangon chu dokkanrangko nikna man•enga ineba APCC-ni president matnangataha.
BJP bilona re•bagenchimode Assam-o niam gri katnape songdongenggipa manderangko a•rikgalgen aro ma•manti bosturangni damrang komianggen ine PM Modi-ba ku•rachakanirangko on•ahachim ine janapatskaengon, Assam-o BJP sorkariko rikani ja•man batesa niam gri katnape songdonggipa manderang bang•bataha, manderangni nangchongmotgipa bosturang namen dam rakbataha aro Assam-o songdongenggipa manderang china dilna a•bachengaha ine Borah matnangataha.
Na·simang ia video-koba nina man·gen:
Na·simang iakoba poraina man·gen: Guwahati-ni Marwari Hospital, NABH-ni Accreditation-ko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
