Guwahati, July 8: Opposition dolni dilgipa aro Congress dolni a•gipi bate dilenggipa Rahul Gandhi, Assam a•doko chi ban re•anichi bang•en noksan ka•aniko man•ahanina gisiko saknabeaniko parakangaha.
Batanggimin somoio, Guwahati-ni Jyotinagar jolni nalao bilsi 8 ong•gipa Avinash Sarkar minggipa bi•sa saksa ga•aksromaha aro ta•rakbegipa chi uko man•pakangahachim.
Iandake chi ban re•anichi dal•a noksan ba gimaani ong•enganiara ka•tong be•ani ong•a ine Rahul, Manipur-ona re•angna skang Silchar-o ong•engmitingo aganaha.
Chi ban re•anichi Assam a•dokni sak 60 mangna batpile manderangni janggirang gimaatako man•aha, sak 53,000 mangna bate biap damgipinona apjitatako man•aha aro 2.4 million manderang bilongbee nangchakeako man•aha ine Assam Congress dilgiparang janapataha. Ian BJP sorkarini name dilgijani aro nirokjani a•sel ong•enga ine Rahul Gandhi matnangataha.
Indake, ia nangchakea man•gipa manderangna bakan dakchakaniko on•china, nampilataipilna kam ka•china aro tangka paisani gitaba dakchakaniko on•china ineba Gandhi didiataha.
Mikkangchi iandake chi ban re•anina chanchisamsona nangengani gimin chi ban re•aniko champengsona man•a gita Pan-Northeast Water Management Authority-ko a•bachengate on•chinaba ua aganangaha.
Unbaksana, Parliament-o ia obostarangni bidingo ku•rang on•aba ua ku•rachakangan baksa, obostarangko namdapatna ta•raken kamrangko ka•china ineba ma•mong sorkariko mol•molataha.
Iani gisepon, Assam a•dokni Skotong Minister Himanta Biswa Sarma, chi ban re•enganiara a•songni neng•nikani ine parakatana bate a•song gimikoni chi ban re•anio neng•nikaniko man•enganiko namdapatna sandie ja•kurang de•china ine Robibar salo aganaha.
Na·simang ia video-koba nina man·gen:
Na·simang iakoba poraina man·gen: Ki•chilko lak 75-na breenga ine kobor on•ani ja•man social media-o jijaanirangko nikna man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
