Guwahati, July 11: Batanggimin konta 24-mangni gisepo sak 5 sigiparangko chanchape, Assam-o chi ban re•anio sigiparang chu•gimik sak 84 gapaha.
Ia chi ban re•anio dam 27 a•jarangoni sak 1.439 million manderang bilongbee nangchakeako man•aha.
Indake, dam 86 revenue circle-rangni ning•o ga•akenggipa dam 2580 songrang chi mripatako man•aha, indake ia songrangoni sak 157,000 manderang dam 365 relief camp-rang dongchakenga.
Unbaksana, ia chi ban re•anichi Kaziranga National Park-ni mang 9 gondurangko chanchape mang 159 matburungrangni janggirangko gimaatna nangao ga•akaha.
Ia park ning•o dam 233 forest camp-rang gnang jeon, dam 62 camp-rangko chirang mripkuenga aro dam 4 camp-rangkode ra•ongalaha. Indake park ning•o chi ban re•anirang namkalengaha ine nikna man•a.
Iani gisepon, mang 133 matburungrangko park-ni authority-rang aro forest department-ni manderang jokatna man•aha aro uamangna sanna bannaniko on•ani ja•mano mang 111 matburungrangko buringona watatpilna man•aha.
Na·simang ia video-koba nina man·gen:
Na·simang iakoba poraina man·gen: NCC-ni Training Camp-ko sal 10-na ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
