Guwahati, June 2 : Assam-o chi banna re•anio konta 24-ni gisepon sak 3 manderang sidapanichi chu•gimik sak 15 manderang siangaha, jeni a•selan manderangna kengni ba jajrengani ong•engkua.
Ia sak 3 sianggipa manderang Barak Valley-oni ong•achim, indake, Cachar a•jao bi•sa saksa, Hailakandi aro Karimganj a•jao sakgni manderang siangaha, ine koborrangko man•soaha.
Remal balminduri sokba•a jaman, dondikgija mikka bitchirang ga•akani a•selo, mongsonggipa chibimarangni chi ditdoba•ani a•sel, a•jani dingtang dingtang sorokrang aro rail ramarang dontongatna nangao ga•akaha.
Dam 9 a•jarangni ning•o donggipa dam 597 songrangni sak 6,01,642 manderang chi banna re•ani a•sel nengnikanirangko man•enga, ine Assam Disaster Management Authority (ASDMA) u•iatangaha.
Ia chi banna re•anio nangchakeako man•gipa a•jarangara, Cachar, Hailakandi, Karimganj, Dibrugarh, Golaghat, Hojai, Nagaon, Morigaon, West Karbi Anglong aro Dima-Hasao iarang ong•a. Ia a•jarangoni Nagaon a•jaan sak 2,79,345 mangni gita nangchakeako man•e nangchakeako man•batsranggipa a•ja ong•aha, indake nangchakeako man•giparangoni Hojai a•ja 2-gipa ong•skaa, jeon sak 1,26,813 manderang nangchakeako man•aha aro Cachar a•ja jeon sak 1,12,265 manderang nangchakeako man•e nangchakeako mangiparangoni 3-gipa ong•skaaha. Iani gisepon, hajal 4878.5 hectare-ni ge•a gammanirangba chi banna re•anichi nosto ong•ako man•skaaha.
Chu•gimik nokgri jamgri ong•gipa hajal 41,564 manderangko a•jani dingtang dingtang dam 187 relief camp-rangona rimangtokaha.
NDRF, SDRF, jolni administration-rang aro manderangba naljokatani kamrangko ka•an baksana nanga bosturangko sokatna dakchaktokaha.
Na·simang ia video-koba nina man·gen:
Na·simang iakoba poraina man·gen: JJM scheme-ni kamrangko name ka•jaenga ine matnanggipa PHED contractor-ko so•ota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
